منتديات أسرة العجلان والعيد من هذيل

منتديات أسرة العجلان والعيد من هذيل (http://forum.alajlan.sa.com/index.php)
-   قصائد قبيلة هذيل (http://forum.alajlan.sa.com/forumdisplay.php?f=83)
-   -   هذا نصيبي (http://forum.alajlan.sa.com/showthread.php?t=3421)

مشعل 12-08-2011 12:41 PM

هذا نصيبي
 
السلام عليكم

للــــــــــ تواصل مع نقاء قلوبكم




[poem=font="traditional arabic,6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جيت المكان اللي رسومه محني=يا ليت رجلي ما وطته ومشيته
ذكر عليّ وخاطري مرجهني=ما اظن تقفته الليال ونسيته
معالمه عقب البطا يخلفني=الا مكانٍ فيه جاني وجيته
شفت الفياض اللي شماله يجني=وجيت الضليع اللي جنوبي بيته
وقفت به لين الدموع اذرفني=وقفيت مثل اللي دفن راس ميته
هاك المكان اللي ضحك فيه سني=جيته بعد طول الغياب ولقيته
يوم اجتمعنا والظروف اسمحني=دار الحديث وما طرالي بديته
فرصة عمر ما جت لنا بالتمني=احلى ليال العمر فيها قضيته
مع صاحبٍ كنه بهرجه يمني=قمت اسبقه بالسالفه ما احتريته
سوالفه عن الغلا يوجعني=يقول لا تترك محبٍ بليته
قالت حرام ! أتضيع الحلم مني=وانت الفواد وما ملكته خذيته
وراك تبطي يا هوى البال عني=مر الفراق اللي قسى ما قويته
ابى اتصبر والدموع افضحني=والسد باح اللي عن امي كميته
قلت ... الصبر مطلوب منكم ومني=لا تهدم اللي بالمحبه بنيته
كان الظروف اللي قسن يسمحني=والله لاموت وحبكم ما محيته
يمك هواجيس الغرام ادفعني=امشي لكم طوعٍ على ما اشتهيته
كم ليلةٍ منك العيون اسهرني=غربلتني من دون ذنبٍ جنيته
من عقب ماني بالحياه متهني=واخذت من حلو الزمان وعطيته
اليوم اعدي بالطويله واغني=بأرض خلا فيها الونس لقيته
اللي نبي عنه الليال ابعدني=شان الزمان وما حصل ما هقيته
ليت السنين اللي مضن يرجعني=ونعيش في ذكرى سجلٍ طويته
لا شك ما ينفع كثير التمني=ما يرجع اللي فات لو قلت ليته
ابى اقتنع لو كان جرحك غبني=هذا نصيبي بالحياه ورضيته

[/poem]

عَنوُدْ اْلصّيدْ 12-08-2011 12:59 PM

رد: هذا نصيبي
 
الله عليك ياشاعرنا
والله احترت وش اقتبس ووش اخلي
كل شطر مكمل للثاني
والقصيده كلها على بعضها مكمله لبعض
ولكن البيت الي توقفت عنده
وخفف حيرتي


اقتباس:

لا شك ما ينفـع كثيـر التمنـي
ما يرجع اللي فات لو قلت ليتـه



و أختتمتها بأجمل شطر
وهو التسليم والرضا


اقتباس:

هـذا نصيبـي بالحيـاه ورضيتـه



مشعل
اسم متفرد عن غيره بفكره وقلمه


بشوق لجديدك

MάHά 12-09-2011 11:26 AM

رد: هذا نصيبي
 
اقتباس:

المشاركة الأصلية كتبت بواسطة مشعل (المشاركة 44409)
لا شك ما ينفع كثير التمني=ما يرجع اللي فات لو قلت ليته

:8lb::wilted_rose:


يعطيك العآفيه . .

العمده 12-10-2011 01:28 PM

رد: هذا نصيبي
 
صح الله لسان الشاعر ضاوي المطيري
ولا هنت على النقل يا مشعل

محمد بن سعد العجلان 12-10-2011 01:38 PM

رد: هذا نصيبي
 
الأخ مشعل
أولاً : القصيدة لم تظهر لي وقد قرأت فقط الردود ولا أدري ما السبب ..!؟
ثانياً : إذا كانت منقولة كما أشار أحدهم وأظنه العمدة فحبذا أن تتم الإشارة إلى مصدرها الأصل للتوثيق ولكي يظهر منتداكم واضحاً وشفافاً في كل ما يطرح، وللجميع صادق الود وعاطر التحايا.

ابو خالد الهذلي 12-10-2011 04:23 PM

رد: هذا نصيبي
 
كلام في محله يابو سعد من زمان لم تتحفنا ببعض ابياتك الجميله في انتظار جديدك

المشتاق 12-11-2011 08:54 AM

رد: هذا نصيبي
 
وعليكم السلام

بالفعل يجب ذكر المصدر ليكون هناك شفافية في الطرح

اقتباس:

المشاركة الأصلية كتبت بواسطة محمد بن سعد العجلان (المشاركة 44503)
أولاً : القصيدة لم تظهر لي وقد قرأت فقط الردود ولا أدري ما السبب ..!؟.

القصيدة ظاهرة وبدون مشاكل يا ابا بندر .. قد يكون السبب من المتصفح لديك


الساعة الآن 09:26 PM

Powered by vBulletin® Copyright ©2000 - 2022, Jelsoft Enterprises Ltd.