منتديات أسرة العجلان والعيد من هذيل

منتديات أسرة العجلان والعيد من هذيل (http://forum.alajlan.sa.com/index.php)
-   أخبار قبيلة هذيل (http://forum.alajlan.sa.com/forumdisplay.php?f=82)
-   -   • مطـــارفـــة الــطــيــر فــي نـــجــــد • (http://forum.alajlan.sa.com/showthread.php?t=149)

العمده 12-07-2010 10:43 PM

• مطـــارفـــة الــطــيــر فــي نـــجــــد •
 

يعود أصل أسرة العجلان والعيد إلى المطارفة من قبيلة هذيل العربية المعروفة , وقد سموا بمطارفة الطير نسبة إلى قصة الطير الشهيرة , والتي جعلت جد الأسرة ينزح من الحجاز إلى نجد وصولاً إلى ثرمداء حتى استقر بأسرة العجلان في قرية رغبة والبرة وأسرة العيد في قرية البرة ، ولايزال البعض من أفراد الأسرة يسكنونها والبعض الآخر في مدينة الرياض.


قصة الطير

أهل الطير هم سلالة مطارفة الطير في نجد، وهم - كما تشير مصادر أجدادهم وأبناء عمومتهم أهل الحجاز - أحفاد عيد بن علي العطاش المطرفي الهذلي الذي نزح مع أخيه عويد من الحجاز إلى نجد، وذلك إثر حادثة الطير التي وقعت بينه وبين أحد أبناء عمومته مابين عامي 1118هـ - 1125هـ ، وقد أستقر عيد في نجد بينما واصل عويد طريقه إلى حفر الباطن، إلا أن مصادر أبناء العمومة من أهل حفر الباطن تشير إلى أن جدهم هو حمود وليس عويد، والراجح أنه عويد لأن أهل مكة أدرى بمن نزح من أبناء عمومتهم.

والقصة تقول: كان المطارفة أصحاب إبل، وكان من طبعهم أن يوردوا إبلهم أباراً تعرف باسم الباثات، وهي عبارة عن سبع آبار آنذاك تقع بوادي الزرقاء بالشامية بمنطقة السيل بمكة المكرمة، وكانت بالقرب من العد الذي يردونه شجرة خضراء يستظلون بها عندما يردون، وبينما هم كذلك حطّ طيرٌ على الشجرة، ولأنها مشيئة الله الذي لا راد لمشيئته، فقد أعلن عيد أن الطير دخيله، إلا أن ابن عمه لم يكترث لمجيرة عيد للطير، فهب إليه بنبله وقتله، فكتم عيد غضبه وغيضه على ما فعله ابن عمه بقتله لطيره الذي أجاره، وبعد مدة شاء الله أن يجتمعوا في نفس المكان الذي قُتل فيه الطير، فسمع عيد ما أغاضه من سخريةٍ وتهكم بمقتل دخيله، فهبّ إلى أبن عمله فقتله، ثم أمتطى مع أخيه راحلتين نجيبتين وهجرا الحجاز متوجهين شرقاً إلى نجد. إلى أن استقر بهما المقام في " ثرمداء " إحدى قرى بلاد نجد وهناك تفرق الإخوان فتحالف "عيد بن علي المطرفي الهذلي" مع أمير ثرمداء في ذلك الوقت "بداح بن بشر العنقري التميمي" الذي يلتقي مع عيد في النسب، فمدركة جد هذيل وطابخة جد تميم هما أخوان، وقد تصاهر عيد معهم وأنجب الشيخ محمد بن عيد المطرفي الهذلي الذي أصبح فيما بعد قاضياً لثرمداء، وأشتهر بـ (مطوع ثرمداء)، وقد ورد ذكره في مراسلات الشيخ المجدد محمد بن عبدالوهاب وجرت بينهما مراسلات كثيرة أيام الدولة السعودية الأولى، ومنها قول الشيخ: (وأما ما ذكره الاعداء عني أني أكفر بالظن، والموالاة، أو أكفر الجاهل الذي لم تقم عليه الحجة، فهذا بهتان عظيم يريدون به تنفير الناس عن دين رسول الله).
وقد لقي الشيخ محمد بن عيد حتفه في وقعة الصحن عام 1180هـ وتم على إثر وفاته هجرة أبناءه من ثرمداء، الذين تكاثروا وتفرقوا في أقاليم نجد وهم :

1. العجلان والعيد ومساكنهم في رغبة والبرة ومنهم الشاعر الفحل عبدالعزيز بن عيد الملقب " بالعزي راعي البرة " والشاعر فهد بن عجلان الملقب " عقيف " ورجال الأعمال المعروفين.
2. الطويل ومساكنهم في الدرعية، ومنهم مدير سجون منطقة القصيم اللواء/ عبدالمحسن بن محمد الطويل.
3. الحجي ومساكنهم في ثرمداء ومرات وبعض منهم في الخرمه والمدينة المنورة، ومنهم شاعر الفصاحة "حمد الحجي" ومنهم عائلة الحسين.
4. الجبر ومساكنهم في ثرمداء ورغبة، وجدهم هو " جبر بن مهنا " معشي أهل الوشم في زمن حروب الدولة العثمانية على الدرعية ، ومنهم عائلة العماش.
5. الجبير ومساكنهم في المجمعة وحرمة، ومنهم الشيخ/ محمد بن جبير رئيس مجلس الشورى السابق ومعالي وزير الخارجية الأستاذ/ عادل بن أحمد الجبير ، ومنهم عائلة السليمان.
6. العيسى ومساكنهم في القرينة ، منهم الشيخ/ عبدالعزيز بن محمد العيسى الملقب " مكرم الضيف " ورئيس قسم الرياضيات بوزارة التربية والتعليم الدكتور/ ثامر بن حمد العيسى.



أما " عويد " فتحالف مع قبيلة الصعران من مطير أهالي حفر الباطن وتزوج منهم وتكاثر أبنائه ولا يزالون إلى الآن ويعرفون بـ " الهذلان المطران " وهم أحفاد حمود بن حمود بن عويد بن علي المطرفي الهذلي ومساكنهم في (حفر الباطن وعنيزة وبريدة والكويت).


وفي تلك القصة العجيبة قال الشاعر/ صالح بن رويجح المطرفي قصيدة جميلة ومؤثرة منها :


ياطير ياللي تطير وتلتفت يمي

م.......... ما انته بطير دخل فالقلب تذكاره


الطير طير قطعني من ولد عمي
ث..........ثلاثة قرون كلٍ يروي اخباره



وقال أيضاً أحد شعراء هذيل من أهل الطير :


أقول وأخشى لا يجي فيه تقصير

م.......... العذر يا نقاد فكري وبناته


أنا الذي جده حمى دخلة الطير
ث..........وكم خافق الجنحان عاش بحماته

عيد العطاش المطرفي ياهل الخير
ث..........ماحدٍ يسوي يا جماعة سواته


الجدير بالذكر أنهم لا زالوا يتواصلون مع أبناء عمومتهم بالحجاز ويتبادلون الزيارات في كل وقت.




مطرفي الرياض 12-08-2010 02:12 AM

رد: • مطـــارفـــة الــطــيــر فــي نـــجــــد •
 
يعطيكم العاااافيه

وعسااااااااااااكم على القوة

ابوعبدالعزيز 12-12-2010 09:51 PM

رد: • مطـــارفـــة الــطــيــر فــي نـــجــــد •
 
أقول واخشى لا يجي فيـه تقصيـر **** العــذر يـا نقــاد فكــري وبـنـاتــه
أنا الـذي جـده حـمى دخـلـة الطير **** وكم خافق الجنحان عاش بحماته
عيد العطاش المطرفي ياهل الخير **** ما أحـد يسوي ياجماعـه سواتــه

سلمت يمينك اخوي العمده

الشامخ 12-23-2010 02:43 PM

رد: • مطـــارفـــة الــطــيــر فــي نـــجــــد •
 
نشكر لك ياعمدة على هذه المعلومة الطيبة والتي يحتاج لها الكثير وفقنا وإياكم الله لما فيه الخير والسداد

بنت ابوها 12-24-2010 12:10 AM

رد: • مطـــارفـــة الــطــيــر فــي نـــجــــد •
 
مشكور على المعلومات

بصراحه اول مره اسمع بها

المشتاق 12-27-2010 06:53 PM

رد: • مطـــارفـــة الــطــيــر فــي نـــجــــد •
 
معلومات قيمه جداً بارك الله فيكم

عجلاني 12-30-2010 02:56 PM

رد: • مطـــارفـــة الــطــيــر فــي نـــجــــد •
 
معلومات ممتازة كنا نفتقدها بصراحة ( يعطيك العافية)

عَنوُدْ اْلصّيدْ 02-25-2011 05:27 PM

رد: • مطـــارفـــة الــطــيــر فــي نـــجــــد •
 
يعطيك العافيه أخوي

العجلان والعيد 05-18-2011 12:26 AM

رد: • مطـــارفـــة الــطــيــر فــي نـــجــــد •
 
السلام عليكم ورحمة الله وبركاته

بيض الله وجهك اخوي العمده

اثريتنا بمعلوماتك القيمة

طرح رائع جداً


أطيب التحايا وأعطرها

:wrd:

مشعل 05-18-2011 03:03 PM

رد: • مطـــارفـــة الــطــيــر فــي نـــجــــد •
 
يعطيك العافيه اخوي العمده على ايراد لقاء ابن نهيه ولكن اعتقد بان هنالك تحفظ كبير على صاحب اللقاء وعلى من اغرق متصفحات النت بهذا اللقاء .

شكرا لك يا عمده ولكن اتمنى تحري الدقة فيما تنقلونه عن انسابنا وانسابكم فانساب اهلنا محفوظة في صدور الثقات والكبار من اهل الطير وليس من ابن نهيه او غيره .

هذلي الطير 09-18-2011 11:12 PM

رد: • مطـــارفـــة الــطــيــر فــي نـــجــــد •
 
يعطيك العافيه .
ولو كانت المعلومات بعضها يحتاج لتصحيح.
واحب اضيف من مطارفة الطير الغير موجودين في الموضوع
العيسى . ومساكنهم القرينة

ابو خالد الهذلي 10-09-2011 09:38 AM

رد: • مطـــارفـــة الــطــيــر فــي نـــجــــد •
 
سلمت اناملك يا العمده على ايراد هذه المعلومه القيمه عن اهل الطير من المطارفه هذيل

هذليه 11-14-2011 12:25 AM

رد: • مطـــارفـــة الــطــيــر فــي نـــجــــد •
 
بيض الله وجهك أخي العمده على هذا التوثيق ولكن لم اجد طااري لهذيل الخرج في هذا التوثييق

هل سقط سهوا ام ماذااا ؟؟؟ :a38:

العمده 11-14-2011 10:39 PM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة هذلي الطير (المشاركة 38597)
يعطيك العافيه .
ولو كانت المعلومات بعضها يحتاج لتصحيح.
واحب اضيف من مطارفة الطير الغير موجودين في الموضوع
العيسى . ومساكنهم القرينة

تمت اضافتهم

العمده 11-14-2011 10:40 PM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة هذليه (المشاركة 42625)
بيض الله وجهك أخي العمده على هذا التوثيق ولكن لم اجد طااري لهذيل الخرج في هذا التوثييق




هل سقط سهوا ام ماذااا ؟؟؟ :a38:


ونعم والله بهذيل الخرج بني عمنا ومعروفين لدينا ، لكن اللي اعرفه انهم ليسوا من الطير

هذلي الطير 11-14-2011 11:08 PM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة العمده (المشاركة 42674)
ونعم والله بهذيل الخرج بني عمنا ومعروفين لدينا ، لكن اللي اعرفه انهم ليسوا من الطير

بالتاكيد اخوي العمده (هذيلي)الدلم والخرج بني عم واجواد .

ولكن ياختي هذليه لاينتمون لمطارفة الطير وانما تجمعهم (هذيل)

تحياتي.

هذليه 11-15-2011 07:38 AM

رد: • مطـــارفـــة الــطــيــر فــي نـــجــــد •
 
هلا أخووي العمده بس احب اعرف على اي أساس بنيت رأيك بأن هذيل الخرج مو

من هذيل الطير لو راجعت المؤرخيين في نسب هذيل قبل تدلي برأيك ؟

لان أكيد انت في مقتبل العمر لذلك نترك هالامور للشياب هم اعرف في هذه الامور

ويسلم راسك أخوي


مشعل 11-15-2011 01:24 PM

رد: • مطـــارفـــة الــطــيــر فــي نـــجــــد •
 
يــ اهل الطير
هل النسب عندكم جبر خواطر ؟
هل النسب شربة موية ؟
كأن الامر لا يعنيكم اطلاقاً
هل لـ محمد بن عيد ابناء غير سليمان وحجي ؟
اهل الطير من ذرية محمد هم ( العجلان والعيد والحجي ) فقط فقط فقط
ما هو كل من هب ودب قال انا من اهل الطير .
الاخت ( هذليه )
لا ننكر انتسابكم لـ هذيل ولكن لستم من اهل الطير
وصغير السن لم يأتي بالمعلومات من راسه النسب امر متواتر لدينا
ولو سالتك بعض الاسئله قد لا تستطعين الاجابه عنها ؟
ولكن سوف اكتفي بسؤال واحد لجميع من يريد اثبات انه من اهل الطير .
هل هذيل الخرج والدلم من ذرية محمد او من ذرية حمود ؟
اسئلي شيبانكم وننتظر اجابتكم ؟

ولكي لا يلام صاحب الموقع على كلامي فـ انا مسئول عنه ومستعد لـ مناقشة الامر مع من كان.

اعتذر لــ اسلوبي ولكن الموضوع يرفع الضغط تقول ان الطير مطية كل من بغاها سلقاها


مشعل المطيري

هذليه 11-15-2011 06:33 PM

رد: • مطـــارفـــة الــطــيــر فــي نـــجــــد •
 
هلا أخي مشعل .. فيه حاجه ابي اوضحهاا اللي نزح من الحجااز الى نجد هم الاخوان الاثنيين محمد وحمود

وكلهم يطلق عليهم مطارفة الطير وأكيد الكل عارف قصتهم مع الطير وسميووا بهذا الاسم لسبب خلافهم

مع بني عمهم بسبب الطير والا ترى ما سميوو باسم الطير كتميّز على غيرهم وكل هذلي في نجد يعتبر

من مطارفة الطير لانوو ما اتى الى نجد الا الاخويين من هذيل حمود ومحمد وتفرقوو ابناائهم
في الرياض والخرج وحفر الباطن والقصيم والخرمه ورغبه وامرات ويمكن فيه امااكن من نجد لا نعلمهاا

واكرر اخي مشعل تعصبك بقوولك عن اهل الطير هي تسميه فقط والا ما زادوو على غيرهم بشي النسب وااحد !!

وانا وحده منهم وعلى قولك حتى الصغاار يعرفوو اكيد الكل يعرف انوو أخويين اثنين من هذيل اتوو

الى نجد مايبي لهاا تعصب وهذيل اصلهم وااحد ما فيه احد افضل من حد سوى اهل نجد او اهل الحجااز

الاب وااحد . وشكـــرا

هذليه 11-15-2011 07:01 PM

رد: • مطـــارفـــة الــطــيــر فــي نـــجــــد •
 
اضاافه توي انتبه لبعض كلام اخي مشعل


يــ اهل الطير
هل النسب عندكم جبر خواطر ؟
هل النسب شربة موية ؟
كأن الامر لا يعنيكم اطلاقاً
هل لـ محمد بن عيد ابناء غير سليمان وحجي ؟
اهل الطير من ذرية محمد هم ( العجلان والعيد والحجي ) فقط فقط فقط
ما هو كل من هب ودب قال انا من اهل الطير .
الاخت ( هذليه )
لا ننكر انتسابكم لـ هذيل ولكن لستم من اهل الطير
وصغير السن لم يأتي بالمعلومات من راسه النسب امر متواتر لدينا
ولو سالتك بعض الاسئله قد لا تستطعين الاجابه عنها ؟
ولكن سوف اكتفي بسؤال واحد لجميع من يريد اثبات انه من اهل الطير .
هل هذيل الخرج والدلم من ذرية محمد او من ذرية حمود ؟ .... الاجاابه وش فرق محمد عن حمود

كلهم من اب واحد وأم وحده يعني ما اشوف لتعصبك اخي لزووم !! وحمود ومحمد كلهم اهل الطير

لان مشكلتهم وحده وش تقصد بكلامك من هب ودب ومنهم اللي هب ودب على قولك ؟ !!!

جبر خوااطر ؟ !!!! ومن في نظرك اخي اللي يجبر خااطر الثااني ويتكرم بإضفااء

النسب عليه ؟ !!!!!!!!!! :Swaffff: :santa_1:

بن بطوطه 11-15-2011 07:34 PM

رد: • مطـــارفـــة الــطــيــر فــي نـــجــــد •
 
يعطيك العافيه

المشتاق 11-15-2011 11:19 PM

رد: • مطـــارفـــة الــطــيــر فــي نـــجــــد •
 
صلوا على النبي واذكروا الله
كلكم هذلان ونعم بالجميع

مشعل 11-16-2011 12:33 AM

رد: • مطـــارفـــة الــطــيــر فــي نـــجــــد •
 
الاخت هذليه

الظاهر انكِ لم تفهمي ما كتبته !!
طرحت عليكِ سؤال ولم تجيبي عليه ؟
والسؤال يقول ( هل هذيل الخرج من ذرية محمد بن عيد والا من ذرية حمود بن عيد ) ؟
تسهيل السؤال بصيغة اخرى .
هل حضرتكِ من العجلان ؟
هل حضرتكِ من العيد ؟
هل حضرتكِ من الحجي ؟
طبعاً استبعد بأن تكوني من هذلان مطير .

اعتقد الصيغه مفهومه جداً

فـ انتي اتهمتي العمده بـ انه صغير سن او في مقتبل العمر لانه قال هذيل الخرج والدلم ليسوا من اهل الطير .
وللاسف جلبتي لنا فيديو يوتيوب لشخص من هذيل الخرج والدلم لكي تثبتي ان هذيل الخرج والدلم من اهل الطير .

والمقصود بمن هب ودب ( اولهم من تكلم بالمقطع والبقيه سوف تأتي )

واما عن زود اهل الطير عن بقية هذيل نجد
فهذا نسبنا وهو معروف للجميع بقصته الشهيرة وزاد الامر شهرة وتاكيدا حلف حمود بن عيد مع الصعران من مطير .

اخي المشتاق كلنا من هذيل نعم هذا صحيح .

لكن نحن فقط اهل الطير .

هذليه 11-16-2011 04:12 AM

رد: • مطـــارفـــة الــطــيــر فــي نـــجــــد •
 
بسم الله الرحمن الرحيم




اقتباس:

المشاركة الأصلية كتبت بواسطة مشعل (المشاركة 42774)
الاخت هذليه






الظاهر انكِ لم تفهمي ما كتبته !!

وربي فااهمه بس انت اللي مو راضي تفهم واقصد بأنك مصر بأن تسمية هذيل الطير

أطلقوهاا على واحد من الأخوان ، كيف تجي وهم واقصد محمد وحمود اختلفو مع أبناء

عمهم ونزحو لنجد مع بعض !!

طرحت عليكِ سؤال ولم تجيبي عليه ؟
والسؤال يقول ( هل هذيل الخرج من ذرية محمد بن عيد والا من ذرية حمود بن عيد ) ؟

ج ـ إحناا من ذرية محمد بن عيد اللي اتجه لثرمداء


تسهيل السؤال بصيغة اخرى .
هل حضرتكِ من العجلان ؟
هل حضرتكِ من العيد ؟
هل حضرتكِ من الحجي ؟
طبعاً استبعد بأن تكوني من هذلان مطير .

اعتقد الصيغه مفهومه جداً

فـ انتي اتهمتي العمده بـ انه صغير سن او في مقتبل العمر لانه قال هذيل الخرج والدلم ليسوا من اهل الطير .
وللاسف جلبتي لنا فيديو يوتيوب لشخص من هذيل الخرج والدلم لكي تثبتي ان هذيل الخرج والدلم من اهل الطير .

والمقصود بمن هب ودب ( اولهم من تكلم بالمقطع والبقيه سوف تأتي )

وربي مو ملاقيه رد لاسلوبك وكلامك هب ودب تتكلم وكأن واحد من الاخوان افضل من الثاني

كيف وهم اثنيين أشقااء اختلفو مع بني عمهم بسبب طير ونزحوو من الحجاز لنجد مع بعض !
واما عن زود اهل الطير عن بقية هذيل نجد
فهذا نسبنا وهو معروف للجميع بقصته الشهيرة وزاد الامر شهرة وتاكيدا حلف حمود بن عيد مع الصعران من مطير .

القصه المشهوره اللي تقول عليها حصلت معاهم اقصد مع محمد وحمود بالحجاز وبسببها جو لنجد واحد اتجه

لثرمداء وتحالف مع بني تميم و و الثاني اتجه لحفر الباطن وتحالف مع الصعران

وللأسف مع انهم أجدادي ما اشوف بأن سالفة الطير فيها فخر بزياده ،، لو هي حاصله بوقتنا الحاضر ؟

واحد قال الطير بوجهي لا ترمو عليه ويرمي عليه

ولد عمه ويقتله وبعدها يختلفون أبناء العم ويتركون ديارهم وقبيلتهم !!

وش بيكون نظرة الناس للموضوع ؟ بأختلاف ابناء عم بسبب طير على شجره وش بيكون تعليقك

لو صايره بعصرنا الحالي واكرر مع انهم اجدادي بس ترى ما اشوف بأن القصه فيها فخر على تعصبك للتسميه !!

أقصد تسمية هذيل الطير اللي انت متحمس مره بسببها

ياريت جت هالتسميه بسبب خوضهم حروب ومعارك مو بسبب طير

أنا افتخر بنسب وعرااقة قبيلة هذيل ولكن حاادثة

وقصة الطير وثقهاا التاريخ لسبب رحيل اصحاابها

وإلا ما اشوف فيه شي يستدعي التعصب والفخر بهذه الحادثه

وشكرا

اخي المشتاق كلنا من هذيل نعم هذا صحيح .


لكن نحن فقط اهل الطير .

ابي لو تكرمت تشرح لي هذه الجمله وتوضحها اللي تحتها خط ؟؟؟

وسؤاال ثاني ارجو توضيحه وش زود حمود على أخوه محمد أو العكس ؟؟؟

؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!


هذلي الطير 11-16-2011 12:41 PM

رد: • مطـــارفـــة الــطــيــر فــي نـــجــــد •
 
حان وضع النقاط على الحروف ياهذيلي الدلم .
وللأسف مع انهم أجدادي ما اشوف بأن سالفة الطير فيها فخر بزياده ،، لو هي حاصله بوقتنا الحاضر ؟
واحد قال الطير بوجهي لا ترمو عليه ويرمي عليه
ولد عمه ويقتله وبعدها يختلفون أبناء العم ويتركون ديارهم وقبيلتهم !!
وش بيكون نظرة الناس للموضوع ؟ بأختلاف ابناء عم بسبب طير على شجره وش بيكون تعليقك
تعليقي فخر بهذي القصه الثلاثة قرون الماضيه وسنفتخر بها مدى الحياة
لو صايره بعصرنا الحالي واكرر مع انهم اجدادي بس ترى ما اشوف بأن القصه فيها فخر على تعصبك للتسميه !!
أقصد تسمية هذيل الطير اللي انت متحمس مره بسببها
ياريت جت هالتسميه بسبب خوضهم حروب ومعارك مو بسبب طير

لو كان عندك علم بالمعارك التي خاضوها في نجد لما تفوهتي بهذا الكلام
أنا افتخر بنسب وعرااقة قبيلة هذيل ولكن حاادثة
وقصة الطير وثقهاا التاريخ لسبب رحيل اصحاابها
وإلا ما اشوف فيه شي يستدعي التعصب والفخر بهذه الحادثه
لانك باختصار لستي منهم
وشكرا
العفو

هذلي الطير 11-16-2011 12:49 PM

رد: • مطـــارفـــة الــطــيــر فــي نـــجــــد •
 
اولا اختي الغاليه لاتقولي رجاء اجدادك لانهم ليسوا اجدادك

ثانيا وش عرفك بهالامور قصة الدخيل والذبح والنصره لدخيل اولا انتي بنت ثانيا تحضرك هذي الايام يجعلك لاتدركين ماتقولين

ثالثا يـــــــــــــــــاليتك جوبتي مشعل هل انتي من ذرية حمود ولا محمد واتحدا ان جاوبتي

رابعا ليس ياختي العزيزة كل من وجد من هذيل في نجد من مطارفة الطير واولهم انتي (هذيلي الدلم) لستوا من مطارفة الطير

الوزره في وادي الدواسر ليسو من اهل الطير عوائل الحمود في القصيم ليسوا من اهل الطير والكثير الكثير.

خامسا ادرك ان هذيلي الدلم بدات تتضح لهم الصوره انهم ليسو من اهل الطير وكلام الاخ حمد الهذيلي الذ كانت لي الفرصه بي مقابلته
لم يعد مجدي في ضل وضوح اهل الطير .


وشكرا

مشعل 11-16-2011 01:14 PM

رد: • مطـــارفـــة الــطــيــر فــي نـــجــــد •
 
بــــ حكم عملي
الحمد لله صدري شمالي
لاني معلم صفوف دنيا

بصريح العباره انتم يا هذيل الخرج والدلم لستم من اهل الطير .

وتعليقاً على ردك الاخير
( ما يصلح لكم غير المثل اللي يقول
عنزٍ تحرث عن انصاب الخوصه )


يا هذيل الخرج الدلم قلنا لا نشكك في انكم من هذيل
ولكن سبب وجودكم في نجد غير معلوم حتى انتم لا تعلمون سبب وجودكم في نجد
ولذلك ترددون هذه الكلمات ( حنا من ذرية محمد بن عيد )

واكبر دليل على جهلك بهذيل القبيلة اللي تفتخر بـ انك منها ما تعرف عن مقدار الدخيل عند هذيل ولا شي .
ابو الدغنه كان يجير الرجال بوجهه من مكه الى اليمن ومن ضمنهم ابو بكر الصديق رضى الله عنه .
وجدي ذبح ذباح دخيله وجلا تراه ما نزح مثل باقي هذيل نجد وانتم اولهم .
ومحمد بن عيد وذريته ماهم جدار قصير كل من جاه رقاه ونسب نفسه له ، وذرية محمد بن عيد نعرفهم ويعرفوننا بني عمنا وبيننا وبينهم تواصل ونسب .
ومحمد بن عيد ماهو بجدٍ لك واللي ضحك عليك بـ هالكلام يكذب .
فانصحك لوجه الله رح دور على جدك وعلى نسبك واترك اهل الطير ما لك فيهم صلاح .
وان جينا للزمان الحاضر الله يعز ابن سعود حكمها بالسيف وصار الشعب واحد ما تعرف الشجاع من الجبان .
والا منول فعل اهل الطير كلٍ يعرفه لا باديه ولا حاضره
طعني امسك ذنب ثورك واترك عنك كثر البربره .

المشتاق 11-16-2011 01:20 PM

رد: • مطـــارفـــة الــطــيــر فــي نـــجــــد •
 
يا جماعة اشوف النقاش بدى ياخذ مجرى اخر
ارجوا من الجميع التزام ادب الحوار لاننا في الاخير عيال عم وكلنا هذلان

هذليه 11-17-2011 01:08 AM

رد: • مطـــارفـــة الــطــيــر فــي نـــجــــد •
 
سووري استااذ مشتااق بأن النقااش أخذ هذا المنحى ولكن انت شفت بنفسك

عمووماً للأماانه ماعندي الخلفيه اللي تؤهلني أن أدخل في هذا النقاش البيزنطي
ولكن اللي اعرفه و وااثقه منه إنني هذليه دم و عصب ويكفيني فخر إنني أحمل اسم قبيلتي ولم أستبدله بإسم الفخذ كغيري
وقبيلة هذيل 800 عشيره وكل عشيره فيهاا الخير والبركه ..
واللي يقول ماتعرفي عن حروب هذيل لا اعرف واعرف زين لذلك سميت قيبلة هذيل بأكرااد العرب
لكثرة حروبيها والمجاال هناا لا يسمح لذكر مفااخر هذيل لانهاا تحتااج كتب وليس صفحه بمنتدى
اماا حروب هذيل نجد للأسف ما قد سمعت عنهاا ويااريت الأخ اللي قال بأنهم اهل صولاات وجولات
يذكر لناا اسم الكتب حتى يكون عندناا خلفيه كاافيه عن هذيل نجد ،
واللي استغربته في هذا النقاش إسلووب وتعنت مربي الأجياال وسطحيت الفااظه !!! والثااني ليس
بأفضل منه طاالعين وحاسبيين أنفسهم حمد الجااسر وعبدالله الحقيل !!!!
ارجوو أن يقفل بااب النقااش بهذا المووضوع لان أعضااء هذا المنتدى أكيد تمللوا من هذا النقااش إللي ؟؟؟
وشكــراً .

مشعل 11-17-2011 01:16 AM

رد: • مطـــارفـــة الــطــيــر فــي نـــجــــد •
 
عفوا يا اختي الفاضله هذليه

ان كان صدر مني اي اساءة ادب
فـ انا اعتذر لكِ واطلب منك العفو والسماح


هذليه 11-18-2011 09:58 AM

رد: • مطـــارفـــة الــطــيــر فــي نـــجــــد •
 
بسم الله الرحمن الرحيم

أعتذر عن فتح الموضوع مره أخرى : ولكنني مررت على إحدى منتديات هذيل واتضحت لي أموور
وحبيت اطرحهاا هنا ، اولاً خلونا نكون صريحيين عدم وجود مؤرخ أو بااحث في هذيل نجد وعدم
إهتمامهم بالتوثيق هو ما جعل بعض الأمور تختلط عليهم ، ولا يقول لي احد إحنا موثقين وعارفين لو تسأل اي
هذلي من هذيل نجد أنت من أي خامس يمكن يلتبس عليه او ما يعرف يجاوب وهذا مثل ما قلت سابقاً
عدم التوثيق والإهتمام ، مقاارنه بهذيل الحجاز هناك فرق، هم عندهم مهتميين وباحثيين بأمور القبيله ،
وبجذور القبيله اما هذيل نجد ما كلفو انفسهم يبحثون ويوثقون ،
وأتمنى من أخوااني ان يكون النقاش للفايده وللتصحيح اذا كان هناك لبس وليس لشئ آخر
لأننا كلناا هذلان واذا أُختلف أو صار لبس في اسم الجد الأمر لا يستدعي التهور بالألفااظ لأن
الجد الأسااسي واحد
واللبس ليس تعدي ، واللي عرفته بأن النازحين من الحجاز لنجد كُثر وليس أهل الطير وحدهم
وحاادثة الطير هي ما جعلت أسماء أصحابهاا تذكر وهذا ما ساعد وسهل لأهل الطير معرفة أسم
الجد ، وعدم ذكر أسمااء باقي النازحين من هذيل إلى نجد وذُكروا بالعموم ليس نقص في طيبهم
يمكن يكونوا من أشجع وأطيب الرجال ،
يقال بأن مجموعه من الحرابشه من المطارفه غير أهل الطير جلو من ديرتهم إلى نجد
(بسبب كثرة حلالهم وخيولهم وأنعامهم فقد ضاقت عليهم الديرة فجلو إلى نجد والشرقية أوسع لهم
وأوطى للأنعام والحلال وبعضهم رحل إلى الشمال وحالفوا عنزة ) ما بين القوسين منسوخ من
احد البحوث عن هذيل ، وغيرهم الكثير من النازحين من الحجاز الى نجد ،
أما ما جعل هذيل الدلم و الخرج يعتقدون بأن جدهم محمد بن عيد لقرب المسافه بين الخرج والرياض
وتواصل الاجداد إلأولين من هذيل الخرج والرياض واختلاطهم مع بعض جعلهم يعتقدون بأن جدهم
واحد وإلا ليس تعدي مثل ما قال احد الأخوان محمد بن عيد ماهو جدار قصير لمن هب ودب !!
يمكن يكون جدهم مثل محمد بن عيد ويمكن يكون افضل ليش لا من يعرف الله واعلم ،
ولو تلاحظو ، أول ما كان فيه إهتمااام من جميع الناس بالقبيله ومن أي قبيله وبعد ظهور هالقنوات
الشعريه وشاعر المليون ومسابقات الشعر بعدها كثرت النعرات والتعصب للقباائل ، شباب أول
يدووب يعرف اسم قبيلته لكن الآن حتى الطفل اللي بمتوسط تلاقيه يتكلم عن قبيلته و بمفاخر
قبيلته وبتعصب واحياناً تووصل لحد الهيااط مثل ما يقولون ،
الخلاااصه : فيه كم جمله من الطرح السابق ما فهمت وش المقصود بها ياريت اعرف
مثلاً :
وان جينا للزمان الحاضر الله يعز ابن سعود حكمها بالسيف وصار الشعب واحد ما تعرف الشجاع من الجبان !!!!
يا ترى منهو الجبان المقصود هناا ؟؟؟
( ما يصلح لكم غير المثل اللي يقول
عنزٍ تحرث عن انصاب الخوصه )
وبعد وش المقصود ؟؟؟
وجدي ذبح ذباح دخيله وجلا تراه ما نزح مثل باقي هذيل نجد وانتم اولهم .
ليش جدنا هرب خوفاً من الثأر مثلاً !!!

مقتطفات اخرى :
اولا اختي الغاليه لاتقولي رجاء اجدادك لانهم ليسوا اجدادك
يمكن اجدادي أفضل !!!!
جوبتي مشعل هل انتي من ذرية حمود ولا محمد واتحدا ان جاوبتي
مثل ماقلت بأول كلامي انتم خدمتكم سالفة العصفور مدري الحمامه اللي سبب مشكلة
حادثة الطير وبكذا ذكر اسم جدك ، ولولا هالحادثه يمكن تكونو ا مثل مئآت الإلووف من هذيل
اللي نزحو لجميع الدول العربيه لم يعرف كيف وليش نزحو اجدادهم .

وشكــراً

المشتاق 11-18-2011 12:46 PM

رد: • مطـــارفـــة الــطــيــر فــي نـــجــــد •
 
يا هذليه انتي قاعده تنبشين على عمرك الله يصلحك
دامك الحين اقريتي وتوك تقتنعين انك مانتم من الطير ليه جايه تفتحين الموضوع من جديد ؟؟
اول كنت ابي اركد الامور وابن عمي مشعل محترم وماقصر ، واعتذر ان بدره منه شي
تجين الحين تقولين توك تعرفين اصلك عن طريق منتديات هذيل !!
عاد تحملي ما يجيك من اهل الطير

هذلي الطير 11-18-2011 05:20 PM

رد: • مطـــارفـــة الــطــيــر فــي نـــجــــد •
 
اكتفي بكلام اخوي المشتاق.

مشعل 11-18-2011 07:53 PM

رد: • مطـــارفـــة الــطــيــر فــي نـــجــــد •
 
بسم الله الرحمن الرحيم


اقتباس:

أعتذر عن فتح الموضوع مره أخرى : ولكنني مررت على إحدى منتديات هذيل واتضحت لي أموور



وش اللي اتضح لكِ
اقتباس:

وحبيت اطرحهاا هنا ، اولاً خلونا نكون صريحيين عدم وجود مؤرخ أو بااحث في هذيل نجد وعدم
إهتمامهم بالتوثيق هو ما جعل بعض الأمور تختلط عليهم ،



هذا الكلام غير صحيح اطلاقاً يكفي عندنا
* كتاب بنو هذيل
* كتاب اهل الطير بين هذيل ومطير
* كتيب موروث اهل الطير
اقتباس:

ولا يقول لي احد إحنا موثقين وعارفين لو تسأل اي
هذلي من هذيل نجد أنت من أي خامس يمكن يلتبس عليه او ما يعرف يجاوب وهذا مثل ما قلت سابقاً



هههههههههههههههههههه
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده

اقتباس:

عدم التوثيق والإهتمام ، مقاارنه بهذيل الحجاز هناك فرق، هم عندهم مهتميين وباحثيين بأمور القبيله ،
وبجذور القبيله



اذكري لي كتاب واحد يتكلم عن هذيل المعاصره !!! اكون لكِ من الشاكرين
اقتباس:

اما هذيل نجد ما كلفو انفسهم يبحثون ويوثقون ،
وأتمنى من أخوااني ان يكون النقاش للفايده وللتصحيح اذا كان هناك لبس وليس لشئ آخر



هذيل نجد ذكرتهم كتب الانساب .
اقتباس:

لأننا كلناا هذلان واذا أُختلف أو صار لبس في اسم الجد الأمر لا يستدعي التهور بالألفااظ

التهور بالالفاظ انتي من بدأ فيه في ردك الاول على اخونا العمده

لأن
اقتباس:

الجد الأسااسي واحد
واللبس ليس تعدي ،




كل البشر ابوهم ادم عليه وعلى نبينا الصلاة والسلام
اقتباس:

واللي عرفته بأن النازحين من الحجاز لنجد كُثر وليس أهل الطير وحدهم

اتمنى بأن تعرفي الفرق بين النزوح والجلاء
النزوح يا اختي الفاضله هو امر اختياري
واما الجلاء فهو امر اجباري .
ولذلك نقول جلا اهل الطير من الحجاز ولم ينزحوا .
اقتباس:

وحاادثة الطير هي ما جعلت أسماء أصحابهاا تذكر وهذا ما ساعد وسهل لأهل الطير معرفة أسم
الجد ، وعدم ذكر أسمااء باقي النازحين من هذيل إلى نجد وذُكروا بالعموم ليس نقص في طيبهم
يمكن يكونوا من أشجع وأطيب الرجال ،



اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .
اقتباس:

يقال بأن مجموعه من الحرابشه من المطارفه غير أهل الطير جلو من ديرتهم إلى نجد
(بسبب كثرة حلالهم وخيولهم وأنعامهم فقد ضاقت عليهم الديرة فجلو إلى نجد والشرقية أوسع لهم
وأوطى للأنعام والحلال وبعضهم رحل إلى الشمال وحالفوا عنزة ) ما بين القوسين منسوخ من
احد البحوث عن هذيل ، وغيرهم الكثير من النازحين من الحجاز الى نجد ،



مطارفة عنزه لم يذكرهم عبدالله بن عبار في كتابه اصدق الدلائل في انساب بني وائل بينما ذكرهم عطيه الشيبي في كتابه العقد الجميل .
اقتباس:

أما ما جعل هذيل الدلم و الخرج يعتقدون بأن جدهم محمد بن عيد لقرب المسافه بين الخرج والرياض
وتواصل الاجداد إلأولين من هذيل الخرج والرياض واختلاطهم مع بعض جعلهم يعتقدون بأن جدهم
واحد وإلا ليس تعدي مثل ما قال احد الأخوان محمد بن عيد ماهو جدار قصير لمن هب ودب !!
يمكن يكون جدهم مثل محمد بن عيد ويمكن يكون افضل ليش لا من يعرف الله واعلم ،



نحن نتكلم عن اهل الطير وقصتهم حدثت قبل 300 سنه تقريباً ما نتكلم عن امس القريب ، واما باقي كلامك غريب يعني لو اختلط معكم اي شخص بحكم الجوار او النسب او غير ذلك صار منكم ؟؟؟؟
اقتباس:

ولو تلاحظو ، أول ما كان فيه إهتمااام من جميع الناس بالقبيله ومن أي قبيله

لا الكلام هذا غير صحيح
هذلان مطير لماذا اطلق عليهم هذا المسمى اذن .
ذكرهم ديكسون في كتابه حرب الصحراء
محمد بن عيد ذكره اغلب مؤرخي نجد
عبدالعزيز بن عيد ( العزي ) ذكر في كتب الادب والشعر النبطي
العجلان ذكر الجريسي في كتابه رغبه ( ابن عجلان الهذلي حامل لواء اهل البره في معركة السبله )
ابراهيم بن سليمان بن حجي قاضي الخرمه على وقت خالد بن لؤي
اقتباس:

وبعد ظهور هالقنوات
الشعريه وشاعر المليون ومسابقات الشعر بعدها كثرت النعرات والتعصب للقباائل ، شباب أول
يدووب يعرف اسم قبيلته لكن الآن حتى الطفل اللي بمتوسط تلاقيه يتكلم عن قبيلته و بمفاخر
قبيلته وبتعصب واحياناً تووصل لحد الهيااط مثل ما يقولون ،



بصراحه اعتقد ان مدى ادراككِ تزامن مع ظهور هذه القنوات والبرامج
ولكن اقول
ليا قامت عيال النشامى تباهى
عزي لِمن لا عد خاله ولا ابوه
اقتباس:

الخلاااصه : فيه كم جمله من الطرح السابق ما فهمت وش المقصود بها ياريت اعرف
مثلاً :
وان جينا للزمان الحاضر الله يعز ابن سعود حكمها بالسيف وصار الشعب واحد ما تعرف الشجاع من الجبان !!!!
يا ترى منهو الجبان المقصود هناا ؟؟؟



الجبان اللي ما طلع له ذكره ولا طاري قبل توحيد المملكه
اقتباس:

( ما يصلح لكم غير المثل اللي يقول
عنزٍ تحرث عن انصاب الخوصه )
وبعد وش المقصود ؟؟؟



المقصود الجاهل اللي يتكلم ويحرج نفسه مثل حضرتكِ وحضرة الشخص الذي يتكلم في مقطع اليوتيوب
اقتباس:

وجدي ذبح ذباح دخيله وجلا تراه ما نزح مثل باقي هذيل نجد وانتم اولهم .
ليش جدنا هرب خوفاً من الثأر مثلاً !!!



اولاً ليس جدكِ من هرب ، اللي هرب من الثأر جد اهل الطير وانتي لستِ منهم
واكيد انه هرب خوفاً من الثأر لانه رجالٍ بدوي وعارفٍ بني عمه اهل حرب واهل ثأر واللي ما يعرف قدر الرجال ما يعرف الرجال قدره .

اقتباس:

مقتطفات اخرى :
اولا اختي الغاليه لاتقولي رجاء اجدادك لانهم ليسوا اجدادك
يمكن اجدادي أفضل !!!!
جوبتي مشعل هل انتي من ذرية حمود ولا محمد واتحدا ان جاوبتي
مثل ماقلت بأول كلامي انتم خدمتكم سالفة العصفور مدري الحمامه اللي سبب مشكلة
حادثة الطير وبكذا ذكر اسم جدك



فعلاً انتي ما جاوبتي غير انكِ ( من ذرية محمد بن عيد )
سبحان الله عرفتوا بانكم من ذرية محمد بن عيد ولم تعرفوا من اي ابنائه !
وهذا حال اغلب هذيل نجد يقولون ( من ذرية محمد بن عيد ) ولا يعرفون من اي ابنائه ؟؟؟؟؟؟
العجلان والعيد من ذرية سليمان بن محمد بن عيد
والحجي من ذرية حجي بن محمد بن عيد
كان محمد بن عيد جاب عيال بعد وفاته مدري بس بني عمنا العجلان والعيد والحجي يقولون حد علمنا ( سليمان وحجي ) ما تدرون يالربع يمكن طلع من قبره وجاب كم ولد ، شكلنا نبي طلب تحليل الكرموسون الذكري لـ dnn
واما قولكم سالفة العصفور والا الحمامه ان شاء الله نمله المهم اننا نعرف تاريخنا وسبب وجودنا في نجد ما حنا مثل غيرنا اللي يعتقدون !
اقتباس:

ولولا هالحادثه يمكن تكونو ا مثل مئآت الإلووف من هذيل
اللي نزحو لجميع الدول العربيه لم يعرف كيف وليش نزحو اجدادهم



ههههههههههههههههههه فعلاً انتي فاقده التركيز اعتقد ما لديكِ اي معلومه عن هذيل اسال الله ان يرفع عنك ولا يبلانا .
انتشار هذيل بالدول العربيه جاء نتيجة الفتوحات الاسلاميه
ووجودك مطارفة الطير في نجد نتيجة لقصة الطير
ولكن غيرهم لا اعلم كيف اتوا ؟؟؟

اخيراً
هذيل الخرج والدلم من هذيل نسباً ولا ننكر نسبهم ولكن ليسوا في اهل الطير .

اعتذر اذا جرحت مشاعر اي شخص بكلامي ولكن هذا الصحيح .

هذليه 11-18-2011 09:10 PM

رد: • مطـــارفـــة الــطــيــر فــي نـــجــــد •
 
أخي مشعل طالما انو إسلوبك رااقي بكلمك بنفس إسلووبك وياليت أنت اللي تركز شوي وتعيد قراءة
كلااامي رايح راد على الطير و الطير
يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر
واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!
وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء
جدك جاي من الحجاز هربان عليه دم وخايف وزبن العتبان في نجد ورفضوو استقبااله
وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه
علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه
الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه
مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور !!
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده
لا ابيك تذكر جدك الرابع اللي قبل جدك راعي الطير

اذكري لي كتاب واحد يتكلم عن هذيل المعاصره !!! اكون لكِ من الشاكرين
لو كنت مركز كان عرفت إن هذا هو لب موضوعي لذلك عيد القراءه لكلامي
اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .
ومن قال غير هالكلام الله يهنييك بطيرك
الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير
اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي
ولكن غيرهم لا اعلم كيف اتوا ؟؟؟
اسأل الباحثين من هذيل الحجاز ويقولو لك

اخيراً اقول لك اطلب من أخوي المشتاق يرسل لك الرساله اللي ارسلتها له

العمده 11-18-2011 09:42 PM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة هذليه (المشاركة 42915)
أخي مشعل طالما انو إسلوبك رااقي بكلمك بنفس إسلووبك وياليت أنت اللي تركز شوي وتعيد قراءة



كلااامي رايح راد على الطير و الطير
يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر
واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!
وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء
جدك جاي من الحجاز هربان عليه دم وخايف وزبن العتبان في نجد ورفضوو استقبااله
وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه
علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه
الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه
مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور !!
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده
لا ابيك تذكر جدك الرابع اللي قبل جدك راعي الطير

اذكري لي كتاب واحد يتكلم عن هذيل المعاصره !!! اكون لكِ من الشاكرين
لو كنت مركز كان عرفت إن هذا هو لب موضوعي لذلك عيد القراءه لكلامي
اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .
ومن قال غير هالكلام الله يهنييك بطيرك
الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير
اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي
ولكن غيرهم لا اعلم كيف اتوا ؟؟؟
اسأل الباحثين من هذيل الحجاز ويقولو لك


اخيراً اقول لك اطلب من أخوي المشتاق يرسل لك الرساله اللي ارسلتها له

بسم الله الرحمن الرحيم
السلام عليكم ورحمه الله وبركاته
سبحان الله يا هذليه في الاول كنتي تحامين ومعصبه تقولين انك من اهل الطير وجايبه لنا مقطع فيديو ويوم اتضحت لك الصورة انك لستي منهم قمتي تقولين على ايش تفتخرون وترمين كلام ماله داعي !؟
الا لنا الفخر واكثر ، وتراني ما رديت على كلامك فالاول لانك ضيفة عندنا يوم تقولين عني جاهل وصغير سن !
لكن هالحين اقول لك الطير لا انتم منهم ولانبي رايك فيهم .. اتوكلي على الله يابنت الاجواد
الاولين شينه عندهم حينما يذبح احد دخليهم ، وهذا بالضبط ماصار مع جدنا محمد بن عيد حينما قتل احد الاشخاص دخلية ( الطير ) فوالله الا لنا كل الفخر بقصة الطير اللي جايين انتم تتلزقون فيها ..
فجدنا انتصر لكرامته بقتله الشخص الذي قتل الطير وأرداه قتيلاً ، لأن في ذلك إهانة في عرف القبائل للشخص الذي يعتبر الطير دخيله ، لدرجة أنه ترك أرضه ووطنه وأهله وقبيلته من أجل عزة نفسه ، وهذه القصة يستشهد بها عند أبناء القبيلة إلى الآن عن عزة الهذلي بأنه لا يسمح بأهانة كرامتة حتى لو كان الأمر من أجل طير

وبالنسبة للمعارك والشجاعة فللعجلان والعيد حروب ومعارك مع العرينات في البرة والكل يشهد على شجاعة الهذلان فيها ، ولا يهونون بني عمنا الهذلان المطران

غير مسجل 11-18-2011 09:49 PM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة المشتاق (المشاركة 42905)
يا هذليه انتي قاعده تنبشين على عمرك الله يصلحك
دامك الحين اقريتي وتوك تقتنعين انك مانتم من الطير ليه جايه تفتحين الموضوع من جديد ؟؟
اول كنت ابي اركد الامور وابن عمي مشعل محترم وماقصر ، واعتذر ان بدره منه شي
تجين الحين تقولين توك تعرفين اصلك عن طريق منتديات هذيل !!
عاد تحملي ما يجيك من اهل الطير




اخي مشتااق ياليت ما تحرف كلام من عندك

وأصلي معروف من اكثر من الف وخمس مية سنه

ولكن توثيق الاسماء والاحداث ما يحفظها الا الكتب

اخبار اجدادك من 300 سنه كنت معاصرهم في

ذلك الوقت او استسقيتهاا من الكتب ؟

وعلى هالحمااس اللي عندكم اتحدا اذا فيه واحد منك

بطااقته تحمل اسم هذلي .

مشعل 11-19-2011 03:40 AM

رد: • مطـــارفـــة الــطــيــر فــي نـــجــــد •
 
اقتباس:

و الطير يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر

طيب هـ المقلب اللي تقولين عليه معجبنا ونحن نفتخر فيه
ورايك ارجوا انكِ تحتفظين فيه لـ نفسكِ ما انه فخر والا لا فأن فاقد الشيء لا يعطيه .

اقتباس:

واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!

اسف لحالكِ والله
حرب البسوس قامت بس ضرع ناقه
ابن عريعر حاكم الاحساء وهجر في زمانه حمى بيض النعام
لا اريد ان ادخل في معنى كلمة المجير ( الدخيل ) عند العرب ولكن في هذيل ابو الدغنه كان يجير الرجال بوجهه من مكه حتى نجران ومن ضمنهم ابو بكر صديق رضي الله عنه .
وفالدخيل عند العرب له مكانةٍ لا يعرفها الا العرب سواءً كان الدخيل شخص او ارض او حيوان او خلافه فالدخيل هو الدخيل .

اقتباس:

وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء

يا اختي الفاضله
ليس كل حادثة تدعو للفخر بها
فمثلا هل ما قام به خالد بن سفيان الهذلي من جمع الجيوش والعدة لحرب رسول الله يعد فخرا لـ هذيل .
هل ما قامت به لحيان من هذيل من قتل القراء في عهد رسول الله يعد فخرا لـ هذيل
افتخرت هذيل بـ عبدالله بن مسعود وهو راعي غنم ولم تفتخر بـ خالد بن سفيان وهو سيد هذيل في زمانه .
اقتباس:

جدك جاي من الحجاز هربان عليه دم وخايف وزبن العتبان في نجد ورفضوو استقبااله

نعم هذا صحيح
فـهل خوفه من القتل يعد عيب !
الله سبحانه وتعالى قال واصفا حال نبيه موسى عليه وعلى نبينا الصلاة والسلام ( فخرج منها خائفاً يرتقب )
وابن ربيعان امير الروقه من عتيبه اعتذر عن استقبالهم لسبب وجيه وهو ان بينه وبين شريف مكه حلف بعدم ايواء من عليه دم وهذا ليس عيباً
فأن رسول الله صلى الله عليه وسلم طلب من الاخنس جواره فاعتذر ثم طلب من سهيل بن عمرو جواره فأعتذر طلب جوار مطعم بن عدي فأجاب.
اقتباس:

وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه

ما نقول الا الله يجزاهم خير لو ما حنوا وزبنوا اجدادنا يمكن انهم يروحون يدورون جدك عشان يزبنهم .
اقتباس:

علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه

هههههههههههههههههههه
صدقيني ما زلت في برجي العاجي انظر لكِ بطرف عيني ليس كبراً ولكن اقول الحمد الله الذي فضلنا على كثير مما خلق .

اقتباس:

الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه

فخر هذيل بنصرة الدين وقول الرسول صلى الله عليه وسلم
( يا هذيل رفقاً بسليم يا سليم رفقاً بهذيل )
فخر هذيل بـ عبدالله بن مسعود
فخر هذيل بـ نبيشة الخير
فخر هذيل بـ سنان بن المحبق
فخر هذيل بـ من رمى القرامطه وحمى مرزاب الكعبه
فخر هذيل بـ انهم جند من جنود الاسلام خدموا الدين بالفتوحات الاسلاميه .
اقتباس:

مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور

يمكن لو انكِ في باريس يسجل اسمكِ د/ فهد المعطاني في مؤلفه عن هذيل
وجدنا من زود الفخر والعنجهيه ذبح من ذبح دخيله بالرغم من ان الدخيل طير اجل لو ان الدخيل بشر يمكن انه يبيد هذيل كلها
اسال الله ان يعفى عنا وعنهم
اقتباس:

لا ابيك تذكر جدك الرابع اللي قبل جدك راعي الطير

بس الرابع ههههههههههههههههههههه
والله لو فيه احد من اهل الطير ما يعد لـ محمد او حمود يمكن نقيم عليه الحد استغفر الله العظيم

اقتباس:

لو كنت مركز كان عرفت إن هذا هو لب موضوعي لذلك عيد القراءه لكلامي

انتي اللي تقولين ان هذيل عندهم توثيق لجذور القبيله
اقتباس:

ومن قال غير هالكلام الله يهنييك بطيرك

شكراً لكِ
اقتباس:

الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير


ونعم ونعم بالاجواد ما نقدر نهضم حق العرب لكن حنا ذكرنا مؤلفي نجد !

اقتباس:

اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي

ههههههههههههههههه

لا انتي حالتكِ صعبه صعبه صعبه بقوه صعبه
اجل الخلاف على ويش !!!!
اقتباس:

اسأل الباحثين من هذيل الحجاز ويقولو لك

اسئل اهل الحجاز وانتي لا تعلمين كيف اتى اجدادك !
ورسالتك للاخ المشتاق لا تعنيني اطلاقاً .


مشعل 11-19-2011 03:47 AM

رد: • مطـــارفـــة الــطــيــر فــي نـــجــــد •
 
اقتباس:

المشاركة الأصلية كتبت بواسطة غير مسجل (المشاركة 42919)
اخي مشتااق ياليت ما تحرف كلام من عندك

وأصلي معروف من اكثر من الف وخمس مية سنه

ولكن توثيق الاسماء والاحداث ما يحفظها الا الكتب

اخبار اجدادك من 300 سنه كنت معاصرهم في

ذلك الوقت او استسقيتهاا من الكتب ؟

وعلى هالحمااس اللي عندكم اتحدا اذا فيه واحد منك

بطااقته تحمل اسم هذلي .


ههههههههههههههههه
الان صارت الهويه الوطنيه نسب !!!
ولكن نحن نعرف بـــ الهذلي وليس الهذيلي
الهذلي فيها شموخ وتعالي
وليس تصغير لـ كلمة الهذلي مثل الهذيلي
وحقيقة لا اعلم كيف اتيتم بها الهذيلي
عبدالله بن مسعود الهذلي او الهذيلي !
ابو ذؤيب الهذلي او الهذيلي !
معقل بن خويلد الهذلي او الهذيلي !
وفي الهويه الوطنيه يكتب لنا الهذلي .

هذليه 11-19-2011 10:16 AM

رد: • مطـــارفـــة الــطــيــر فــي نـــجــــد •
 
[quote=العمده;42916]بسم الله الرحمن الرحيم
يوم تقولين عني جاهل وصغير سن !


العفوو يا العمده أنا ما قلت جاهل قلت في مقتبل العمر وهذي ماهي سبه


الساعة الآن 05:38 AM

Powered by vBulletin® Copyright ©2000 - 2022, Jelsoft Enterprises Ltd.