السلام عليكم ورحمة الله وبركاته
هذي قصيدة مختارة من قصائد الشاعر / صالح بن علي العجلان (شايم)خل العتب يا خوي لا ما تغيرت
لو العتب قد صار طيب بجوفه
بس الزمن له خاطر به تغربت
تحكي سنين العمر ضيم وعسوفه
لو كل حي باع والله فلا بعت
عيب على من يلحقون الحسوفة
يا لضيغمي لا ولا لا وما هنت
بحق الرفيق ودربي اللي احوفه
ماني من اللي بالعمر قد تطلبت
ولاني من اللي ينشدون المروفة
حتى ولو في مقعدي قد تمكنت
أشيم لو هي كاملات وصوفه
والطير من فزته ياما تعلمت
الحر ما ينزل بواطين يعوفه
يكفح إلا من شاف قهر وتعنت
يسري بوقت لو غدا به حتوفة
يابو محمد بالعرب قد تبينت
أضحي لضحى طيب ولابي حسوفة
يالشمري بأطى على الضلع مالنت
و أرسي كما سنجار كل يشوفة
راعي مبادي ثابته مابها شنت
ما أبدل اقوالي بقول و حروفه
عشنا وعشنا وبالمعزة قد أسكنت
نفسي على نجم الرفيعة أشوفة
قد قال أبويه بالوصاة و تمعنت
ما حدن يعزك كود طيب تحوفه
وسلامتكم