إضافة رد
 
أدوات الموضوع إبحث في الموضوع انواع عرض الموضوع
  #1  
قديم 01-02-2011, 02:29 AM
الصورة الرمزية العجلان والعيد
العجلان والعيد غير متواجد حالياً
 
تاريخ التسجيل: Oct 2010
الدولة: الرياض
المشاركات: 1,202
العجلان والعيد is just really niceالعجلان والعيد is just really niceالعجلان والعيد is just really niceالعجلان والعيد is just really nice
افتراضي الشاعر / فهد بن عجلان العجلان ( عقيف )


السلام عليكم ورحمة الله وبركاته
الشاعر / فهد بن عجلان العجلان من كبار شعراء البلده اشتهر بلقب ( عقيف ) تزوج في سن متاخره وليس له ذريه ولد في رغبة 1242 هــ وتوفي بها 1322 هــ .

إحدى قصائد الشاعر

النجر سرق وكـود راعيـه يديـه
لا عـاده الله سـارق ويـن جالـه

هو ماخذه يبـي يـدق العشـا فيـه
أو ماخـذه يبـي يركـب دلالــه

راعيه جا حول الردى وهو راعيـه
مـا يذبـح الرجـال طقـة ظلالـه

مـا صيـده إلا بيعطـل براعـيـه
راعيه يشـري مـن مغنـه بدالـه

يشريه من سوق المدعى يبي يشريه
يشريه بترف السخـا مـن حلالـه


قصيدة أخرى للشاعر


يا مال قلب راعي الحـب طاويـه
كما يطـوون النكيـف الشنانـي



يا العين هلي بأزرق الدمع وأرهيه
صبر على اللي قد وطاكم وطانـي



يا مال قلـب مـا يعلـم بطاريـه
قلب خبيـث مـا يعلـم لسانـي



لي قلت سدي قال ما نيب مفضيه
والله مـا ولـي سـدي القلقانـي


لا هارج عنـده وهـذاك موحيـه
وأصبحت سدي للمخاليـق بانـي



الا على اللي في الضماير سطاويه
الجادل اللي مثـل ظبـي البيانـي


سود عيونه ذبح من لجلجن فيـه
عجـاب لعـاب وعـوده ليانـي


لي قلت قلبي قال ما نيـب مديـه
خذته على وضح النقا يوم جانـي



وهو دوى قلبـي وليتـه يداويـه
وهو داوي ان كان ربـي شفانـي



ليته يداوي القلـب والا فيسقيـه
من ذبل بيـض كمـا القحويانـي



البيض واجد مار عينـي تراعيـه
تولعـت بالجـادل المرحبـانـي



والله غيره من العماهيج ما أبغيه
لو ملطـن أجلودهـن زعفرانـي



هذي فعول اللـي فويـز يطريـه
وهذا سبايـب جاليـات الثمانـي

يا راكب حر كما القـوس حانيـه
فج عضوده مـا تنـوش الثفانـي



مـورد المقـدم فقـاره مبنـيـه
عدم الوصوف أوي والله هجانـي



أشعل عماني مـا بشـي يحاليـه
قم الربـاع وساعـي مسدسانـي



ما فوقه الا مزهبه هو وراعيـه
وكور مجوده الحقـب والبطانـي


لي كن ذيله يـوم يقفـي براعـي
عـذرا تلفـح والجدايـل متانـي


لي كن أذانه يـوم دليـت أحاليـه
أذان ذيـب سابـر مـع بيـانـي

والا فحـر يـوم هـواه راعيـه
شاف الحباري جالهـن روجانـي


والا فريد شاف راميـه مخطيـه
من فوقه المخباط جـاه دويانـي



والا فدانوق هوا المـوج حاديـه
رفرف شراعه وأنتوى بالمكانـي



جنايبـه مثـل الغرابيـن تتليـه
يازينهن بيـن أربعـه مخفقانـي



من ديرتي يم بن خنثـل منصيـه
لدار أبو جابـر عريـب المجانـي

قله سـلام عـد ماهـب ذاريـه
وعداد ما حي ومـا كـان فانـي


عد الكتاب وعد من كـان قاريـه
وعدد رمل فـي عـدام بردانـي


وعداد ورد لاهب القيـض حاديـه
وعد النجوم اللي لهـن اقدعانـي



السعر يوم انـك بعشـر تطريـه
عقب العشر جا بيعنا أربع وزاني


ومن القصائد الجميلة التي رويت لعقيف هذه القصيدة التي يقول فيها:

يا علي لـي خـلٍ دلولـه عجيبـه
مار الليالي يا خو ساره غـدت بـه

الحـي لابــد الليـالـي تجيـبـه
إلا ان غدت بي عنه وإلا غدت بـه

الراس غرس ساجـع بـه رطيبـه
على جريد و الهواء ذعذعـت بـه

و الردف طعس يا علي ما وطي به
غب المطر شمس العصير أشرقت به


قصيدة التوبه

قال ابـن عجـلان والبـال مشتـانِ ...... الله خبر وش بلاي انهاضـت أعبـار

من العام وجعان مـن شـي أجزانـي ...... أشكي حوالي على اللي فرض أشبـار

كني علـى ملـه ، مستدخـل علـه ...... وأرجو المعافا من اللي ينش الأمطارٍ

يا الله بالصبر ، لي جيت فـي قبـري ...... مـدوا علـى اللبـن بتـراب حفـار

فـي منـزل الـدود والقبـر مسـدود ...... صفوا علي اللبن و أغموا بـه الغـار

و أقفوا وخلوني وإن صحت ما أوحوني ...... لازم عبيـد القـبـر يـجـون زوار

لي منهم جونـي ، هميـن سالونـي ...... برحمتك لا بالعمل يـا والـي الأقـدار

لي دنا الأجل ، إن كـان هـو عجـل ...... فأنا لي سنين تايـب ، أقبـل أعـذار

ما قلت مكتـوب ، إحسـان وذنـوب ...... اللي على الكتف يكتب كل مـا صـار

اللي عمل سيه ، يلقى العمـل سيـه ...... ولا يجازي سوى مثـل الـذي صـار

وعمـال الاحسـان يجـزاه بجـنـان ...... بجنـان خلـد تداعـج فيـه الانهـار

دنيـاك ميالـه ، علـيـك عيـالـه ...... إما وطتك العشا تـا طـاك الأنشـار

دنياك لو زانـت ، لابـد مـا شانـت ...... تشبه رفيق لـي مـن صـار بـوار

كم صفة راحـو ، وأقرابهـم ناحـوا ...... صاروا لنا يا التوالـي مثـل الأنـذار

بلدانهم بادت ، من عقب مـا شـادت ...... تشوف فيهـا توالـي حبـس وجـدار

كم واحد ماله ، ما فـدا عـن حالـه ...... يظهر من البيت عـاري فوقـه وزار

من فوق عـودان ، صكـت بعمـدان ...... عود يسمى النعـش صكـوه بوسـار

هم الله أعلم بـه ، أمـا غفـر ذنبـه ...... والا بنـار تلتهـب فـيـه بأسـعـار

يا مفرج الضيقة ، في ساعة الضيقـة ...... لي من عبدك وقف في دربـه وحـار

يا رب أغفر لـي ، مـن قبـل أزلـي ...... والعبد ملفى الخطايـا وأنـت غفـار

اللي نصـوا بيتـه ، بذكـره أوحيتـه ...... شـدوا علـى الفيـل فجـار وكفـار

يبـي يشيلونـه مـا حـد يحاكونـه ...... أرسل عليهم طيـور معهـن أحجـار

وأذلهم ربي ، مـن حيـث مـا حـب ...... شـال لهـم بيـن مخـلاب ومنقـار

و أتمهـا أصلـي ، عـداد مـا هـلِ ...... على محمد اعـداد هـلات الامطـار

وسلامتكم

__________________




التعديل الأخير تم بواسطة العجلان والعيد ; 06-11-2012 الساعة 11:50 AM
رد مع اقتباس
  #2  
قديم 01-02-2011, 01:16 PM
الصورة الرمزية المشتاق
المشتاق غير متواجد حالياً
 
تاريخ التسجيل: Dec 2010
الدولة: رغبه
المشاركات: 1,044
المشتاق is a jewel in the roughالمشتاق is a jewel in the roughالمشتاق is a jewel in the rough
افتراضي رد: الشاعر / فهد بن عجلان العجلان ( عقيف ) رحمه الله‎

تسلم يمينك يا مديرنا على المجهود المبارك

والله يرحم العم الشاعر فهد بن عجلان رحمة واسعه
__________________
رد مع اقتباس
  #3  
قديم 01-02-2011, 03:09 PM
الصورة الرمزية بنت ابوها
بنت ابوها غير متواجد حالياً
 
تاريخ التسجيل: Dec 2010
الدولة: Riyadh
المشاركات: 333
بنت ابوها will become famous soon enoughبنت ابوها will become famous soon enough
افتراضي رد: الشاعر / فهد بن عجلان العجلان ( عقيف ) رحمه الله‎

يعطيك العافيه على الموضوع الرائع
__________________
رد مع اقتباس
  #4  
قديم 01-02-2011, 11:41 PM
الصورة الرمزية مطرفي الرياض
مطرفي الرياض غير متواجد حالياً
 
تاريخ التسجيل: Nov 2010
الدولة: الرياض
المشاركات: 210
مطرفي الرياض is on a distinguished road
افتراضي رد: الشاعر / فهد بن عجلان العجلان ( عقيف ) رحمه الله‎

سلمت ودمت على ما تجود به من روائع الشعر

رحمه الله واسكنه فسيح جنانه
رد مع اقتباس
  #5  
قديم 01-05-2011, 12:38 PM
الصورة الرمزية العمده
العمده غير متواجد حالياً
 
تاريخ التسجيل: Nov 2010
الدولة: الرياض
المشاركات: 1,107
العمده is a jewel in the roughالعمده is a jewel in the roughالعمده is a jewel in the roughالعمده is a jewel in the rough
افتراضي رد: الشاعر / فهد بن عجلان العجلان ( عقيف ) رحمه الله‎

صح لسانك ولسان العم الشاعر / فهد العجلان - رحمه الله -

مجهود وعمل أكثر من رائع يستحق الإشاده

شكرا لكم
__________________
رد مع اقتباس
  #6  
قديم 01-06-2011, 08:49 PM
الصورة الرمزية بنت ابوها
بنت ابوها غير متواجد حالياً
 
تاريخ التسجيل: Dec 2010
الدولة: Riyadh
المشاركات: 333
بنت ابوها will become famous soon enoughبنت ابوها will become famous soon enough
افتراضي رد: الشاعر / فهد بن عجلان العجلان ( عقيف ) رحمه الله‎

صح لسان الشاعر

يعطيك العافيه على طرح الجميل
__________________
رد مع اقتباس
  #7  
قديم 02-18-2011, 11:26 PM
الصورة الرمزية الشامخ
الشامخ غير متواجد حالياً
شخصيات هامة
 
تاريخ التسجيل: Dec 2010
المشاركات: 141
الشامخ is on a distinguished road
افتراضي رد: الشاعر / فهد بن عجلان العجلان ( عقيف ) رحمه الله‎

سلمت ولا هنت
ألف شكر لك
__________________
رد مع اقتباس
  #8  
قديم 09-14-2011, 07:11 AM
الصورة الرمزية MNOO
MNOO غير متواجد حالياً
 
تاريخ التسجيل: Dec 2010
الدولة: الرياض
المشاركات: 7
MNOO is on a distinguished road
افتراضي رد: الشاعر / فهد بن عجلان العجلان ( عقيف ) رحمه الله‎

اقتباس:
قال ابـن عجـلان والبـال مشتـانِ ...... الله خبر وش بلاي انهاضـت أعبـار


من العام وجعان مـن شـي أجزانـي ...... أشكي حوالي على اللي فرض أشبـار


كني علـى ملـه ، مستدخـل علـه ...... وأرجو المعافا من اللي ينش الأمطارٍ


يا الله بالصبر ، لي جيت فـي قبـري ...... مـدوا علـى اللبـن بتـراب حفـار


فـي منـزل الـدود والقبـر مسـدود ...... صفوا علي اللبن و أغموا بـه الغـار


و أقفوا وخلوني وإن صحت ما أوحوني ...... لازم عبيـد القـبـر يـجـون زوار


الله يرحم الشاعر ويغفر لوالدي ويرحمه

ويجمعنا في جنات النعيم

رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشاعر / عبدالله بن سعد العجلان ( البرازي ) العجلان والعيد شعراء وشاعرات الأسرة 13 10-13-2011 04:21 PM
الشاعر/ محمد بن سعد العجلان العجلان والعيد شعراء وشاعرات الأسرة 7 07-29-2011 05:15 PM
الشاعر عجلان بن سعد العجلان العجلان والعيد شعراء وشاعرات الأسرة 17 02-18-2011 11:33 PM
من قصائد الشاعر / ابراهيم بن حمد العجلان ابو حمد راعي البرهـ شعراء وشاعرات الأسرة 10 02-18-2011 11:30 PM


الساعة الآن 06:07 AM


Powered by vBulletin® Copyright ©2000 - 2020, Jelsoft Enterprises Ltd.