قصيدة لشاعر مسلم بن شعيل المطرفي

أشهد إنه ما كذب راع القصيده ******* يوم قال الناس ما منهم سلامه
ماش أحد هَرْج الأوادم ما يصيده ******* لو بلغ أقصى حدود الاستقامه
إن عطاه الله شكّو في رصيده ******* واتهموه بكذب ونفاق ورخامه
واشعلت في قلوبهم نار الحسيده ******* العداوه ما تخفيها ابتسامه
وإن هرج قالوا معه كذبه جديده ******* وإن تركهم واتّحد قالوا علامه
شايف نفسه عسى الله لا يعيده ******* رافعٍ رقبته كما رقبة النعامه
كل شخصٍ بخاطره شئٍ يريده ******* وأنت وش يدريك عن غاية مرامه
لازم إنك تنقصه وإلا تزيده ****** والزياده نقص والنقص الملامه
الرسول المصطفى صفوة عبيده ******* ما استحوا من غيبته واتهامه

صح لسانك ولسان الشاعر

وانشهد مامنهم سلامه صح قوله وصح منطوقه