إضافة رد
 
أدوات الموضوع إبحث في الموضوع انواع عرض الموضوع
  #1  
قديم 02-06-2013, 06:04 PM
ابو خالد الهذلي غير متواجد حالياً
 
تاريخ التسجيل: Oct 2011
المشاركات: 26
ابو خالد الهذلي is on a distinguished road
افتراضي قصيده للشاعر ضاوي فالح الهذلي رحمه الله

السلام عليكم ورحمة الله وبركاته احببت ان اشارك بهذه القصيده للشاعر ضاوي فالح الهذلي رحمه الله


جيت المكان اللي رسومه محني ياليت رجلي ماوطته ومشيته

ذكر علي وخاطري مرجهني ماض(ن) تقفته الليال ونسيته

معالمه عقب البطا يخلفني الا مكان(ن) فيه جاني وجيته

شفت الفياض اللي شمله يجني وجيت الضليع اللي جنوبي بيته

وقفت به لين الدموع ذرفني وقفيت مثل اللي دفن راس ميته

هاك المكان اللي ضحك فيه سني جيته عقب طول الغياب ولقيته

يوم اجتمعنا والضروف اسمحني دار الحديث وما طرى لي بديته

فرصة عمر ماجت لنا بالتمني احلى ليال اعمر فيها قضيته

مع صاحب كنه بهرجه يمني قمت اسبقه بالسالفه ما حتريته

سوالفه عن الغلا يوجعني يقول لاتترك محب(ن) بليته

قالت حرام تضيع الحلم مني وانت الفؤاد وما ملكته خذيته

وراك تبطي ياهوى البال عني مر الفراق اللي قسا ما قويته

ابا اتصبر والدموع افضحني والسد باح اللي على امي كميته

قلت الصبر مطلوب منكم ومني لاتهدم اللي بالمحبه بنيته

كان الضروف اللي قسن يسمحني والله لاموت وحبكم ما محيته

يمك هواجيس الغرام ادفعني امشي لكم طوعن على ما شتهيته

كم ليلة منك العيون اسهرني غربلتني من دون ذنبن جنيته

من عقب ماني بالحياه متهني وخذت من حلو الزمان وعطيته

اليوم اعدي بالطويله واغني بارض(ن) خلا فيها الونس مالقيته

اتللي نبي عنه الليال ابعدني شان الزمان وما حصل ماهقيته

ليت السنين اللي مضن يرجعني ونعيش في ذكرى سجلن طويته

لاشك ماينفع كثير التمني مايرجع اللي راح لو قلت ليته

ابا اقتنع لو كان جرحك غبني هذا نصيبي بالحياه ورضيته
رد مع اقتباس
  #2  
قديم 02-08-2013, 05:46 PM
الصورة الرمزية العمده
العمده غير متواجد حالياً
 
تاريخ التسجيل: Nov 2010
الدولة: الرياض
المشاركات: 1,105
العمده is a jewel in the roughالعمده is a jewel in the roughالعمده is a jewel in the roughالعمده is a jewel in the rough
افتراضي

صح لسان الشاعر - رحمه الله -
نقلت فأبدعت يا ابا خالد
تقديري واحترامي لك
__________________
رد مع اقتباس
  #3  
قديم 03-15-2013, 10:39 AM
هذلي الطير غير متواجد حالياً
 
تاريخ التسجيل: Dec 2010
الدولة: نجد
المشاركات: 18
هذلي الطير is on a distinguished road
افتراضي

وعليكم السلام ورحمة الله وبركاته. قصيدة من اجمل قصايد الشاعر الكبير ضاوي بن فالح الهذلي رحمة الله اشكرك يابوخالد على النقل تحياتي.
رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:31 PM


Powered by vBulletin® Copyright ©2000 - 2020, Jelsoft Enterprises Ltd.