سلام مني للهذيلي .. للشاعر/ ابراهيم بن حمد العجلان (ابو حمد)

ســــلام مــــنـي للهذيلــــي

البارحـــــة مابيـــن هـــاتــــه وردّه ..... و أنـا وشعري بين صايد و مصيود
لا أرخيت حبل الفكــر عجلٍ يشـــدّه ..... يضرب على جـزل المعاني بجلمـود
شــعري واخبـره حـيل يعجبك هــده ..... بيني وبينه ولـفٍ وحلــف وعهــود
سـدي يعرفــه زين وابــخص بسده ..... وأجمله من غـالي الألفـــاظ بعقــود
ليا مـن نـوى المطـلاع مـحــدٍ يــرده ..... معــــوده دايـم علـى العــز والجــود
شاعر هذيلي مـن هل الطـير جــده ..... مطارفه بالطيب مـا تعـرف حـــــدود
مثــل البــحر بالعــز جــزره ومــدّه ..... ومثل السحاب اللي به الخير موجـود
للمجـــــــد راس وللمــكـارم أشــده ..... وللـضيف عـــــود وللمعادين بــارود
الضـلع لــو واجـه هــذيـلي يهـــده ..... رجالٍ تدوس الموت ولا تدوس منقود
لا عــدو الأبــطــال جــدي نعــده ..... ما به بشــــر ما يعرفك يا ابن مسعود
راية كــتاب اللـه خـــذهــــا بيـــدّه ..... بشهادة الهـادي وخـلق اللــه شهــود
ســلام مــنّي للـــهــذيــلي مــــردّه ..... مـحمــلاً بـالــورد والفـــــــل والــعود
و الخـــاتـمة صلّوا على اللـي نودّه ..... أعـداد مـا هـب الهـوى وانثنى عـود

الشاعر / ابراهيم بن حمد العجلان (ابو حمد )

صح لسان الشاعر ابو حمد
عز الله انه كفو وبيض الله وجهه
قصيدة جزلة من راسً جزل

وتسلم يمينك على الطرح الرائع
ونتمنى منك طرح المزيد لشاعرنا المتألق ابو حمد

تقبل أطيب التحايا أعطرها

بيض الله وجهك ياابوحمد على القصيده الاكثر من رائعه

صصصح لسآنك يآبو حمد وبيض آلله وجهكك


يعطيك آلف عآفيه على آلطرح

صح لسانك يبوحمد

بيض الله وجهك على القصيدة الطيبه

لاهنت يابن العم

وعليكم السلام
صح لسانك ولسان شاعرنا (ابو حمد )
وننتظر المزيد
تحياتي

صح لساااااااااااااااااااااانك

صح لسانك يا بو حمد
بيض الله وجهك

وعليكم السلام ورحمة الله وبركاته

صح لسانك يا أبوحمد

شكراً اخي الكريم على طرح القصيدة

شاعر هذيلي مـن هل الطـير جــده ..... مطارفه بالطيب مـا تعـرف حـــــدود

الله الله

صح لسان ابو حمد

والله عز الله انه كفووو وقصيدة في الصميم

ولاهنت على الطرح