إضافة رد
 
أدوات الموضوع إبحث في الموضوع انواع عرض الموضوع
  #1  
قديم 01-02-2011, 02:55 PM
الصورة الرمزية بنت ابوها
بنت ابوها غير متواجد حالياً
 
تاريخ التسجيل: Dec 2010
الدولة: Riyadh
المشاركات: 333
بنت ابوها will become famous soon enoughبنت ابوها will become famous soon enough
Lightbulb نساء شاعرات من قبيلة هذيل

العادات والتقاليد الحديثة والتي نشأت بعد الطفرة ...ترفض بشدة التطرق للمراة من بعيد او قريب...وكاننا نتسلخ من اصولنا التراثية والدينية....لم تكن تماضر السلمية والمعروفة بالخنساء عارا على اخوتها في الجاهلية ولا على ابنائها في الاسلام..فهي ام لاربعة شهداء في معركة مؤته..وهي من كبار الشعراء واعذبهم شعرا...

كان الرجال في العصر الماضي وخاصه منهم الفرسان ينتسبون الى امهاتهم فابن قرملة وابن لبدة من اشجع شيوخ وفرسان قحطان وابن خثيلة وابن حجنة من فرسان عتيبة وابن شوية وابن جروة من فرسان وشيوخ قبيلة سبيع ....والكثير من اشهر الفرسان والامراء لم يكن اسماء امهاتهم عارا عليهم بل حملوه بكل افتخار ولازال احفادهم يحملون نفس الاسماء..


ولعل غالية البقمية اشهر نساء البادية على الاطلاق كانت مصدر فخر رجال المملكة كافة لم روي عنها من عقل وحنكة وسياسة وشجاعة...

وكنت قبل البحث في اشعار وقصص هذيل اسير خلف التيار الذي لا يحب ذكر المرأة ..بل وصل الحد عند البعض اذا ذكر ان معه مرأة اكمل كلامه بجملة اعزكم الله...ياله من تخلف عقلي...

ان بعض النساء يملكن من العقل والحكمة والشجاعة والتاريخ مليء بسير نساء خلدن اسمائهن في صفحات التاريخ وكن مضرب مثل في الشجاعة امثال الصحابية الجليلة خولة بنت الازور وسمية وام عمارة رضي الله عنهن..


واليوم سوف اسرد لكم اشعار ثلاث من شاعرات هذيل اللواتي عاصرن الاحداث المنصرمة من القرن الماضي ...شاهدن الفرسان والغارات ...تعلقن باخوانهن الشجعان. ..حدثت لبعضهن مأسي وردت في اشعارهن..

سوف اسرد اشعارهن دون التطرق لاسمائهن تقدير لمشاعر اقاربهن الذين يرفضون بشده ذكر اسمائهن...وسوف اضع فراغ مكان الاسماء اذا وردت في القصائد ونبداء بأول هؤلاء الشاعرات:

الشاعرة الاولى: عاشت قبل فتح الحجاز ..وهي ابنه رجال اشتهروا بالشجاعة والاقدام وخوالها قبيلة سبيع ...وتزوجت شخص من احد القبائل المجاورة فلم ترغب فيه نظرا للفرق الشاسع بينه وبين اخوانها من حيث الشجاعة والكرم ...فطلبت منه الانفصال بهذه الابيات:




الفرق جنبتوا حليبـه عـن البيـت=اسبـر الوزنـة ولابـه جفـايـد
ياليتني عـن عنتوتـي ماتعديـت= عيال عود(ن) مـا تحـب الزهايـد
يا شوق طلقني وانا منـك مليـت=عطني حبالي يـا وسيـع البنايـد
وان كان ما طلقت يوم اني اشفيت=والا تطلقنـي رمــاح العـوايـد
اخوان....... كسوتي وان تعريـت=وحيد(ن) على من يبحث اقصاه كايد




ولكنه لم يطلقها وذاقت معه العنا والغرابيل فارسلت هذه الابيات لاخوتها الذين افتكوها منه بعد ذلك واليكم الابيات:


عسى (....) عند سربة خوالي=فايمان ربع(ن) فالخطر ما يـدارون
يضرب برمح(ن) مثل رمح الهلالي=حيث انهم رمايـة(ن) مـا يزلـون
تكفون تكفون يا الظفران فكو حبالي=تكفون يالظفران تكفـون تكفـون


ولها هذه القصيدة التي اسندتها الى احد ابنائها تمدح فيها اخوانها:


فوقه الذيب والضبعـة تحلـي=عابن الدود في حجره ظلايـل
يا وجودي على حمر(ن) تشلي=فوقها اللعب حسينات المثايـل
فوقهـا باتنـحـر لابتـلـي=تكسب المـدح فايـام الدبايـل
جارهم من قطيره مـا يملـي=كل يوم(ن) على عصبان حايل

وقد تغنت في ابناء عمومتها من هذيل الذين لهم مواقف شجاعه ومنها الابيات التي تمدح فيها الشيخ عبدالله بن عبا:


البارق يومي لابو جـوزا=عشر(ن) من الجيش مرنه


مرن على طيب الـروزا=ياليتهـن مــا تعـدنـه




ولها ابيات جميلة عندما اصيب فارس هذيل الاول مقعد بن حدري في هية الفراحية حيث قالت:


ولو فحلوهن من جميع الديـارى=ما احدن يجي مثله ولابه حليـه
مقعد مثل ضلع(ن)طويل الجدارى=شاهـوق دايـم قمتـه جاهليـه
ومقعد لشيخان القبايل شعـارى=يبين فعله مثـل عيـد الضحيـة
اما قـرن لـه فارسيـن كبـارا=والا كسر له بارقيـن ضحويـة
مقعد فعوله غير مـا ينتجـارى=مقعد زبون اللـي يكبـه خويـه
فعول مقعد مثل كيـف البهـارى=وفعـول غيـره مالهـا قابليـه
مقعد مثل ريح النفل والشقـارى=في وادي(ن)يبري الكبود الوبية
حضور مقعد مشعلن له شنـارى=وحضور غيره شبة(ن) عايديـه
له بندق(ن)منها القبايل حشارى=ولا حضر بالسيف حطـه حنيـه
واللي فرق بين الدجا والنهـارا=ما ركب مثله فوق بنت العبيـه
وش انت خابر فالجرد يازبـارا=وش انت خابر في نهار الغبيـة



الشاعرة الثانية:
وهي التي ترثي اخوانها الشجعان عندما مات احدهم من الحمى التي قتلت في تلك السنه عدد كبير واخيها الاخر مات بعده بايام في مكان يسمى بالوبر فصرخت بهذه الابيات الحزينة؛


ياحي اللـي غـدو دمـر=راحوا مرازيق مع هذلان


لا سلت يـا وادي التمـر=لا جاك مزن(ن) وله ربان
يا خوي يا طايل الشبـر=ياذابح الكـوم للضيفـان
حطوه في ضلعـة الوبـر=ماهوب في مدلج الريعان
ياليتني من حصـا القبـر=والا ذر(ن) له عن الهبان
وياليتني من نخل هجـر=واقعد مع ......الديقـان
يا خوي يالابـس الكمـر=فالهوش من يحتمي الذلان



وقد رثت زوجها ابو عيالها بابيات حزينة فقالت :
ياطـي حالـي فالغبـا طــي قــدي=راعيـه شطنيـا علـى العـود يلويـه
ويـا ونتـي ونـه بعيـر(ن) يـشـدي=اركـا عليـه الميـل والعـدل طاويـه
ونيـن مـن شـاف الفـوارس تحـدي=ونه وصاهب يـوم خالـد حكـم فيـه
صكـوا عليـه الجيـش والمنـع ردي=ولا له بني عم(ن) ولا احد(ن) جزع فيه
لا..وا..عشيـري دونـه القبـر سـدي=لا شيف له رود(ن) ولا اقـدر اناديـه
وليت البدايـل فـي عشيـري تسـدي=لاسترفـد الحضـران والباديـه فـيـه




الشاعرة الثالثة:
قدر الله ان يكون احد اخوتها بعيد عن ناظرها ما يقارب السنة ..واتت اليها البشاير بأنه قادم بعد طول غياب فقالت هذه الابيات المؤثرة...


هلا يا مرحبا ياللي علـى الشيـب=على اللي كنهـن جـول الادامـي


صغـار السـن وكبـار محاديـب=نسبهـم مـن خوانـي والعمامـي


هل الصلفـات بارسلـي مكاتيـ=بعلى المحبـوب ردولـي سلامـي


اقوله في معشـي الطيـر والذيـب=مـا اقولـه فالعشيـق والغرامـي



اخـوي اللـي يحيـي بالاجانيـب=ويقلطهـم علـى عثـو السنامـي


حشى لله يـا ......عـن العيـب=من البصرة الى البيـت الحرامـي


سوات الصقر يبـدي فالمراقيـب=عفيفـا عـن مواقيـع الحمامـي


واخذ من راس ابوي المجد والطيب=سوات البدر بـاد(ن) كـل عامـي


اليا صكـت علينـا شمـخ النيـب=سندنـا مثـل مـا قـال الزلامـي


ويـورد قـدم عكفـان الاشانيـب=ليـا صـدر يخليـهـم حيـامـي


ابويه يـوم ابويـه طـول الغيـب=واعز الجـدي وسهيـل اليمانـي


سقوني مـن عذيـات المشاريـب=وتحديـت الزمـان اللـي جفانـي



ولها قصيدة في احدى اخوانها عندما قدم لزيارتها:

هـلا ....هيـل جزفـا بــلا كـيـل=اعـداد مـا تلفـي عليـه الركـابـي



وعدة نجوما حازهـا الجـدي لسهيـل=واعداد مـا ينـوي غزيـر السحابـي


يـا مكيـف الدلـة وبيـض الفناجيـل=ونجر(ن) توالي الليـل يلعـب العابـي


وان جانا هل ركب(ن) تحاشى عن الليل=رذيـا وسـكـان المديـنـة غيـابـي


حيابهـم طـب الكـبـود المغالـيـل=ماهوب لفح(ن) مثـل لفـح السرابـي


ياقبلـة اللـي يركبـون النضـا حيـل=ويانـورة اللـي يلبـسـون الثيـابـي


ان جيتني قلـب العنـا طـاب بالحيـل=وان رحـت عنـي واعنـاي وعذابـي


تليتنـي تــل الركـيـب المعالـيـل=هيـم وعجايـف وارتكبهـن لجـابـي


يا لايمي ياطـا علـى الـداب بالليـل=شلـه بنـابـه وابلـغـه بالصـوابـي


اخويـه عيبـه فقشـة البـن والهيـل=وقصفه شبـاب الحايـل ام الصبابـي


استغفر الله ان كـان فالهـرج تزليـل=استغفـر الله فالخـطـا والصـوابـي





فكما شاهدتم حب هذه الشاعرة لاخوتها وهم احياء ولكن ايام السرور لا تدوم ويأتي هادم اللذات ليفرق الاحبة فعندما مات اخيها الكبير الذي قام بتربيتها صرخت من الاعماق بهذه القصيده الحزينة:




يالعين وش ذكرك حلم(ن) بعـد ليـل=لا تجرحيـن مغلـقـات الضبـابـي



يوم الضعايـن مـع بهيتـه مقابيـل=مـا كـن ابويـه ذاك الايـام غابـي




يشيلـنـي .....بعـيـد المناهـيـل=لو ثـوروا بالليـل الاظلـم سرابـي




قالوا معشانـا هضـاب ورى السيـل=والقـابـلـة خـبــار اللهابـــي



ويجر قلبـي جـر غـرب المحاحيـل=من فوق جيـل(ن) ماهـواه الغرابـي


ثـلاث قفنبـه وثـلاث(ن) مقابـيـل=وتنازعـنـه مبـعـدات الغـيـابـي


........لولا الناس جيل(ن) ورى جيل=تحولـوا مـن ناطحـات السحـابـي


لعول عويل الخلـج عجفـا مخاليـل=واعوي سـوات مجوعـات الذيابـي


عليك يامنهـو سـرى تالـي الليـل=طاف الحـرم مـا رد فيـه الجوابـي


كنـه هديـب الشـام روز المحاميـل=شيبـه ينافـس مفرعيـن الشبابـي


وسلام يا روحه عليها الثـرى هيـل=وسلام يـا قبـره لـو انـه ترابـي


سقـاه مـن نـو الثريـا همالـيـل=والا مـن الجـوزا سكوبـا سهابـي


سماك ابويه....يا طلعت سهيـل=وبالعـون مـا سماك.....وخـابـي


عيبه ليا قالو هـل العـرف حلحيـل=زيـزوم ربعـه فاليـال الصعـابـي


اربـاع بيتـه للنشـامـا مداهـيـل=واللي حظـور(ن) يرقبـون الغيابـي


يرفـا خلـول قليليـن المحاصـيـل=سـوات مـن يرفـا قديـم الثيابـي


وليته حصلـي مـن عميلـه بتبديـل=والا مـن المعـروف جانـي وهابـي


لا والله اللي راح يا حيل ابـا الحيـل=قفـا وخلانـي عطيـب(ن) صوابـي


وخلى الحمام اللي على شاطي النيـل=وانا علـي الميـل ماحـدن درابـي


حتيش لو جونـا المرازيـق وهذيـل=لابـه وهابـه والمناسـب عـرابـي


لو جو على الصلفات والا على الخيل=ومجنديـن(ن) بالتفـق والحـرابـي


ولو جـا لهـزات المدافـع زلازيـل=والا سيـوف الهنـد منهـا تجابـي


ولا والله اللي راح يا حيل ابا الحيـل=وانـا دموعـي يـا .....شـرابـي


ونصبر بصبر ايوب يوم ادبح السيـل=واجبر عزانـا يـا جزيـل الثوابـي


وصلاة ربي عد مـا دحـرج السيـل=على شفيـع الخلـق يـوم الحسابـي





ومرت على منزل اخيها الذي كان كثير التهجد والعبادة وقرأة القران وكان معتاد ان يقرأ القران تحت ظلال منزله ..فعندما رأت مكانه خاليا
هاضت قريحتها بهذه الابيات الحزينة التي وجهتها الى احد ابنائه:





ياليت .......سالني قبـل لا سيـل=يا مسندي دار الفلك مـا صفالـي




اكبر على الدنيا غلـول وغرابيـل=اللي جرالـك يـا حبيبـي جرالـي




ويا ما فرحنـا والليالـي مقابيـل=وياما سقتنا مرهـا عقـب حالـي




ويا بيت وينه شمعتـك والتهاليـل=وش عاد تبغـا بالدفـا والزوالـي



وين التهجد كل مـا هـود الليـل=ومتابـع الختمـة مميـل الظلالـي


وين الشحم والرز والبـن والهيـل=وسوالف(ن) تبري الكبود الغلالـي


لو كان فيك البدر والجدي وسهيـل=ياما طفـا نـورك ويامـا غدالـي


يابو........طيري ضرب غبة الليل=قطع سبوقـه وامرسـن الحبالـي


كنيت مابي وانفجر عنـدي الكيـل=وابديت مابي مير ما حدن شكالـي


قفا وقفوبه علـى الفـور حلحيـل=وخلو ثقيل الروز وحد(ن) لحالـي


وراه برمي العقل رمـي المناديـل=وتصافقه عـج الخريـف المتالـي


واصيح وابدي في طوال الاقاذيـل=واصفق بكفينـي يميـن وشمالـي


ولا ترحم العبرات ولا ينفع الويـل=ويا رحمة اللي فالمراقيـب عالـي


وانخا مناعير المرازيـق وهذيـل=وقالوا قدر ما عاد فيـه احتيالـي


ولو انها بالحرب ومطـارد الخيـل=شفتي لنا دون الطريـح اعتكالـي


ونحول دونه بالسيوف المصاقيـل=ودونه نبيع الروح لو كـان غالـي


وصلاة ربي عد ليل(ن) ورى ليـل=واعداد من شاف القمر والهلالـي





وقدر الله بان تفقد اخيها الثاني والذي كان اقرب الناس الى قلبها ...فعملت حوار جميل بينها وبين احد احفادها....وفيه تسال عن اخيها الذي اصيب بمرض عضال...فكان هذا الحوار المحزن...





يا.........باشرني عسى فالكم زين=وعسى .........فالشفاعة منـادي


وسلامتك ياجوهر القلـب والعيـن=سلامت(ن) تبري عليـل الفـؤادي


اعداد ما سروبها الهنـد والصيـن=واعداد ما طارت سروب الجـرادي







فرد حفيدها الصغير بهذه الابيات:
لا والله الا راح لا عاد ترجيـن=اجبر عزانا يـا كفيـل العبـادي



عساه في خضرا سوات البساتين=ينهل حلاها من شراب(ن) وزادي


عليه ابو ....... وربعه كسيرين=لا وا خسارتنـا نهـار العيـادي




فردت على حفيدها بهذه الابيات التي اتضح فيها كيف تلقت الخبر المفزع وما هي ردة فعلها...اترككم مع الابيات:





وياسين يا خويه على الزين يا سين=يجهش سوات السيل مع كـل وادي


وياسين يا خويه على الزين يا سين=يا طير شلوى يالشجـاع العنـادي


وياسين يا خويه على الزين يا سين=يا طير شلوى يوم حـل الهـدادي



يا حيدنا اللي نايف(ن) بين حيديـن=ويا سيفنا من مرهفات(ن) حـدادي


مشيت درب ما مشـوه السلاطيـن=وطلعت حيد(ن) ما رقـاه المهـادي


الا انت يا .....مـن اول وذلحيـن=ومن يوم انا طفل(ن)علي المهـادي


ابكـي وتبكيـك البكـار المزاييـن=ويبكيـك حيـا ظاريـا بالجنـادي


ويبكونك الاجناب والربـع الادنيـن=ويبكيك اسير(ن) فالمحاكـم يقـادي


وعليك عكفان الشـوارب محازيـن=ولبسو حدادك حضرنـا والبـوادي




ارجو ان ينال الموضوع اعجاب القراء الاكارم فهذا جزء من التراث الشعبي للقبيلة


تحياتي </b></i>
__________________
رد مع اقتباس
  #2  
قديم 01-02-2011, 08:02 PM
الصورة الرمزية العجلان والعيد
العجلان والعيد غير متواجد حالياً
 
تاريخ التسجيل: Oct 2010
الدولة: الرياض
المشاركات: 1,200
العجلان والعيد is just really niceالعجلان والعيد is just really niceالعجلان والعيد is just really niceالعجلان والعيد is just really nice
افتراضي رد: نساء شاعرات من قبيلة هذيل

من أجمل ما قرأت اليوم

موضوع رائع ويستاهل التثبيت والتقييم

يعطيك الف عافية على النقل الرائع

__________________



رد مع اقتباس
  #3  
قديم 01-02-2011, 09:53 PM
راعي البرهـ غير متواجد حالياً
 
تاريخ التسجيل: Dec 2010
المشاركات: 236
راعي البرهـ has a spectacular aura aboutراعي البرهـ has a spectacular aura aboutراعي البرهـ has a spectacular aura about
افتراضي رد: نساء شاعرات من قبيلة هذيل

وعليكم السلام
الله يعطيك العافيه
لكنك اتعبتيا واستعنا با النظاره
دمتي بخير
__________________
رد مع اقتباس
  #4  
قديم 01-03-2011, 12:14 AM
الصورة الرمزية عَنوُدْ اْلصّيدْ
عَنوُدْ اْلصّيدْ غير متواجد حالياً
 
تاريخ التسجيل: Nov 2010
الدولة: الرّيآض ~
المشاركات: 326
عَنوُدْ اْلصّيدْ is a name known to allعَنوُدْ اْلصّيدْ is a name known to allعَنوُدْ اْلصّيدْ is a name known to allعَنوُدْ اْلصّيدْ is a name known to allعَنوُدْ اْلصّيدْ is a name known to allعَنوُدْ اْلصّيدْ is a name known to all
افتراضي رد: نساء شاعرات من قبيلة هذيل

يعطيك الف عافيه
__________________


،
سبحان الله وبحمده ، سبحان الله العظيم





.....
رد مع اقتباس
  #5  
قديم 01-03-2011, 07:40 PM
الصورة الرمزية المشتاق
المشتاق غير متواجد حالياً
 
تاريخ التسجيل: Dec 2010
الدولة: رغبه
المشاركات: 1,042
المشتاق is a jewel in the roughالمشتاق is a jewel in the roughالمشتاق is a jewel in the rough
افتراضي رد: نساء شاعرات من قبيلة هذيل

تسلمين والله على الموضوع

الله يعطيك الف عافية

تحياااااااتي لك
__________________
رد مع اقتباس
  #6  
قديم 01-03-2011, 10:58 PM
الصورة الرمزية الشامخ
الشامخ غير متواجد حالياً
شخصيات هامة
 
تاريخ التسجيل: Dec 2010
المشاركات: 141
الشامخ is on a distinguished road
افتراضي رد: نساء شاعرات من قبيلة هذيل

بارك الله فيكم ويعطيكم العافية
__________________
رد مع اقتباس
  #7  
قديم 01-08-2011, 01:14 PM
الصورة الرمزية العمده
العمده غير متواجد حالياً
 
تاريخ التسجيل: Nov 2010
الدولة: الرياض
المشاركات: 1,105
العمده is a jewel in the roughالعمده is a jewel in the roughالعمده is a jewel in the roughالعمده is a jewel in the rough
افتراضي رد: نساء شاعرات من قبيلة هذيل

الله يعطيك الف عافية

طرح جميل اختي
__________________
رد مع اقتباس
  #8  
قديم 01-13-2011, 06:11 AM
الصورة الرمزية راعي المجاهيم
راعي المجاهيم غير متواجد حالياً
 
تاريخ التسجيل: Dec 2010
المشاركات: 80
راعي المجاهيم is on a distinguished road
افتراضي رد: نساء شاعرات من قبيلة هذيل

صح لسانهن ويعطيك الف عافية
رد مع اقتباس
  #9  
قديم 01-17-2011, 02:22 PM
الصورة الرمزية ابوعبدالعزيز
ابوعبدالعزيز غير متواجد حالياً
 
تاريخ التسجيل: Dec 2010
الدولة: الرياض
المشاركات: 389
ابوعبدالعزيز will become famous soon enough
افتراضي رد: نساء شاعرات من قبيلة هذيل

أبيات جميله وقصائد رائعه

يعطيك العافيه على الموضوع
__________________
رد مع اقتباس
  #10  
قديم 10-09-2011, 09:56 AM
ابو خالد الهذلي غير متواجد حالياً
 
تاريخ التسجيل: Oct 2011
المشاركات: 26
ابو خالد الهذلي is on a distinguished road
افتراضي رد: نساء شاعرات من قبيلة هذيل

ابيات رائعه ومعبره تسلمين على النقل بس ياليت لو ذكرتي اسما ئهن لكان افضل
رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شجرة قبيلة هذيل ابوعبدالعزيز أخبار قبيلة هذيل 24 02-05-2013 11:26 PM
قبيلة هذيل راعي الاوله أخبار قبيلة هذيل 7 01-30-2012 09:25 PM
زومالة بين قبيلة هذيل وقبيلة مطير العمده قصائد قبيلة هذيل 6 10-19-2011 10:04 AM
حداية قبيلة هذيل عند عتيبة العجلان والعيد قصائد قبيلة هذيل 5 03-22-2011 10:02 AM
من مفاخر قبيلة هذيل مطرفي الرياض أخبار قبيلة هذيل 10 01-19-2011 12:57 PM


الساعة الآن 02:09 PM


Powered by vBulletin® Copyright ©2000 - 2020, Jelsoft Enterprises Ltd.